პარტია “ლელო საქართველოსთვის” წევრი, საბა ბუაძე სახალხო დამცველის ანგარიშს, რომლითაც თბილისის მერია პედაგოგებსა და მწვრთნელებს კანონშეუსაბამოდ ანაზღაურებადი შვებულების უფლებით სარგებლობას უზღუდავს, საგანგაშოს უწოდებს და ამბობს:
“განსაკუთრებით საგანგაშოა სახალხო დამცველის ანგარიშის ეს ნაწილი ვინაიდან, ჩვენ ვიცით, რომ კახი კალაძეს ჰყავს საკუთარი პიარ სააგენტო, რომლისთვისაც ყოველწლიურად ბიუჯეტიდან იხარჯება თითქმის 6 მილიონი ლარი და ამ ფონზე ჩვენ გვყავს მუნიციპალიტეტის სხვადასხვა სტრუქტურებში დასაქმებული პედაგოგები და თანამშრომლები, რომლებსაც 10 წელია უფორმებენ 10-თვიან ხელშეკრულებებს”, – ამბობს ბუაძე.
ცნობისთვის, 19 თებერვალს საქართველოს სახალხო დამცველმა თბილისის მერიას და მის მიერ დაფუძნებულ ხელოვნებისა და სპორტულ დაწესებულებებს თანამშრომლებთან დადებული შრომის ხელშეკრულებების საქართველოს შრომის კოდექსთან შესაბამისობაში მოყვანის წინადადებით მიმართა.
კომენტარები