კახა ბექაურმა კომუნიკაციების კომისია 12-წლიანი მუშაობის შემდეგ დატოვა. 2017 წლიდან კომისიის თავმდომარედ არჩევის შემდეგ, წელს მას უფლებამოსილების ვადა ამოეწურა.
კომუნიკაციების კომისიის თავმჯდომარე ბექაური 9 წლის წინ, 2017 წელს გახდა და კომისიას 2 ვადის განმავლობაში ხელმძღვანელობდა. წევრის პოზიციაზე ის გოგა გულორდავამ ჩაანაცვლა.
ხელმძღვანელის პოსტზე არჩევნები 29 იანვარს გაიმართება.
კომისიის ხელმძღვანელობის პარალელურად ბექაური საქართველოს სუპერმარკეტების ერთ-ერთი ყველაზე დიდი ქსელის, “ორი ნაბიჯის” თანადამფუძნებელი და 33%-იანი წილის მფლობელია. ბოლოს, 2025 წლის ივლისში შევდებული ქონებრივი დეკლარაციის თანახმად, მისი შემოსავლის უდიდესი წყარო სწორედ “ორი ნაბიჯიდან” მიღებული დივიდენდია, რამაც 2024 წელს 20.5 მილიონი ლარი შეადგინა. ეს თანხა 2023 წელს მიღებულ დივიდენდს 18.2 მილიონ ლარს, 2.3 მილიონი ლარით აღემატებოდა.
ქონებრივი დეკლარაციის თანახმად, 2020-2024 წლებში კახი ბექაურმა “ორი ნაბიჯიდან” დივიდენდის სახით 66 მილიონი ლარი მიიღო.
აღსანიშნავია, რომ ბექაურს ბოლო 2023 წლის არჩევნებში კონკურენტი არ ჰყავდა.
მისი მედია კარიერა კი ასეთია:
- 2012: ბექაური “მეცხრე არხს” მართავდა;
- 2010-2011: იყო ტელეკომპანია “მაესტროს” დირექტორი;
- 2004-2005: იკავებდა საზოგადოებრივი მაუწყებლის თავმჯდომარის პირველი მოადგილის პოზიციას;
- 2002-2003: დირექტორის პოზიციიდან ხელმძღვანელობდა ტელეკომპანიას “მზე”.
კახა ბექაური 2014 წელს, კომისიის წევრის სტატუსით მივიდა კომუნიკაციების მარეგულირებელ კომისიაში, 2017 წლიდან კი კომისიას ხელმძღვანელობს.(ბიემჯი)
კომენტარები