იქნება გრძელვადიანი მშვიდობა თუ რუსეთი დატოვებს ყველა ოკუპირებულ ტერიტორიას – ამის შესახებ ევროკავშირის საგარეო პოლიტიკური უწყების ხელმძღვანელმა, კაია კალასმა ბრიუსელში, ევროკავშირის საგარეო საქმეთა მინისტერიალის დაწყებამდე ბრიუსელში განაცხადა.
მისი თქმით, რუსეთის მოთხოვნები საერთოდ არ არის რეალისტური. კალასის თანახმად, რუსები მოითხოვენ ტერიტორიებს, რომლებიც არც კი დაუპყრიათ.
რუსეთმა მრავალია ტერიტორიის ოკუპაცია მოახდინა და მისი ძალები განლაგებულია სხვადასხვა ტერიტორიებზე, მათ შორის საქართველოში, მოლდოვაში. ასე, რომ დიახ, იქნება გრძელვადიანი მშვიდობა თუ ის დატოვებს ყველა ოკუპირებულ ტერიტორიას. ზოგი ამბობს, რომ ეს მოთხოვნები რეალისტური არ არის, მაგრამ მოდი ვიყოთ გულწრფელი, მოთხოვნები, რასაც რუსეთი აყენებს, საერთოდ არ არის რეალისტური. ისინი ითხოვენ იმ ტერიტორიებს, რომლებიც სამხედრო გზითაც არ დაუპყრიათ. ეს მოლაპარაკების სიტუაციის დაბალანსების მიზნითაა, რაც ფოკუსირებას მოახდენს პრობლემაზე, რომ რუსეთი აგრძელებს მეზობლებზე თავდასხმას”- განაცხადა კალასმა”ევროსკოპის” კითხვაზე პასუხისას.
შეგახსენებთ, რამდენიმე დღის წინ, ევროკავშირმა კაია კალასის ხელმძღვანელობით, სამუშაო დოკუმენტი გაავრცელა, სადაც რუსეთთან მოლაპარაკებების პირობებში საქართველოს ოკუპირებული ტერიტორიებიდან რუსული ჯარის გაყვანაზეა საუბარი.
კომენტარები