„ჯო ბაიდენს მართალია ადამიანური გარეგნობა აქვს, მაგრამ სატანისტურ პოლიტიკას ატარებს“, – ამის შესახებ ჩეჩნეთის ლიდერმა რამზან კადიროვმა განაცხადა.
როგორც ტელეგრამზე კადიროვმა დაწერა, რუსეთი არის ქვეყანა, რომელიც პატივს სცემს და იცავს თავის ტერიტორიაზე და მის ფარგლებს გარეთ მცხოვრები მილიონობით მუსლიმის უფლებებს!
კადიროვი ამბობს, რომ არცერთ მუსლიმურ ქვეყანას რუსეთის წინააღმდეგ სანქციები არ დაუწესებია.
ამასთან, რამზან კადიროვი აცხადებს, რომ რუსეთის პრეზიდენტო ყოველთვის ომის წინააღმდეგ გამოდის და სწორედ ამიტომ ის ნობელის პრემიას იმსახურებს.
„ჩვენს დიდ ქვეყანაში, საკანონმდებლო დონეზე, აკრძალულია მორწმუნეთა რელიგიური გრძნობების შეურაცხყოფა, წმინდა წერილების ტექსტების ექსტრემისტულად აღიარება და ასევე ჩვენი საყვარელი წინასწარმეტყველების შეურაცხყოფა.
კატეგორიულად აკრძალულია ლგბტ და სხვა ანტიადამიანური გარყვნილების პროპაგანდა. ჩვენი სახელმწიფო იცავს მუსლიმთა უფლებებს და დგას თითოეული მორწმუნის უფლებების დაცვაზე ზრუნავს.
ჩემთვის, როგორც მუსლიმანისთვის, სასიხარულოა, რომ მთელმა ისლამურმა სამყარომ მხარი დაუჭირა რუსეთს საყოველთაო ბოროტების წინააღმდეგ ბრძოლაში! მსოფლიოში არცერთი მუსლიმური ქვეყანა არ შეუერთდა რუსეთის წინააღმდეგ სანქციებს.
რუსეთში 30 მილიონი მუსლიმის სახელით მინდა გამოვხატო ჩემი გულწრფელი მადლობა. ყოვლისშემძლე ალაჰი კმაყოფილია. მუსლიმები ყოველთვის დგანან სიმართლის და სამართლიანობის მხარეს.
ბაიდენის, მართალია, მას აქვს ადამიანური გარეგნობა, მაგრამ ატარებს სატანისტურ პოლიტიკას, რომელიც გამწვავებულია დემენციით. რაც შეეხება G7-ს, G20-ს, G30-ს და ასე შემდეგ, ამ ქვეყნებიდან ბევრი იმსახურებს მხოლოდ ამერიკის ექვსეულს!
მე ვამაყობ, რომ მუსლიმი ვარ და ვხედავ, როგორ გაერთიანდა ჩვენთან ყველა მუსლიმი და გამოხატა თავისი ცალსახა პოზიცია დასავლეთის წინააღმდეგ!
ამიტომ, როგორც არ უნდა დაეხმარონ ბაიდენი და მისი მხლებლები კიევის „რეჟიმს“, უკრაინაში „ნაცისტებს“ მაინც არ დავტოვებთ. ვინც ამ ბრძოლაში დაგვიპირისპირდება, სისხლის ცრემლით დაიბანს თავს.
ჩვენ არ გავჩერდებით ამ გზაზე, სანამ მშვიდობა არ დამყარდება მთელ დედამიწაზე. ჩვენი უმაღლესი მთავარსარდალი, რუსეთის პრეზიდენტი ვლადიმერ პუტინი ყოველთვის მშვიდობისა და ომის წინააღმდეგ დგას და ამიტომ დიდი ხნის განმავლობაში იმსახურებს ნობელის პრემიას!
დასავლეთი, რომელიც განასახიერებს საყოველთაო ბოროტებას, აუცილებლად დაეცემა! და ვინც მის გადარჩენას შეეცდება, მის ნანგრევებში მოკვდება“, – წერს კადიროვი ტელეგრამზე.
კომენტარები