შეერთებული შტატების პრეზიდენტი მზადაა რუსეთის პრეზიდენტთან ისაუბროს. თუმცა, ბაიდენი მხოლოდ იმ შემთხვევაში დათანხმდება პუტინთან პირდაპირ მოლაპარაკებებს, თუ უკრაინაში დეესკალაცია მოხდება. ამის შესახებ ჟურნალისტებს თეთრი სახლის კომუნიკაციების დირექტორმა კეიტ ბედინგფილდმა განუცხადა.
„ეს დამოკიდებული იქნება იმაზე, თუ რაზე სურს პრეზიდენტ პუტინს საუბარი… ჩვენ ნათლად განვაცხადეთ, რომ უკრაინაში რუსეთის მხრიდან ხელშესახები დეესკალაცია და დიპლომატიის თანმიმდევრული, ჭეშმარიტი ერთგულებაა საჭირო, სანამ პრეზიდენტი {ბაიდენი} დათანხმდება ასეთ საუბარს“, – განაცხადა ბედინგფილდმა.
ერთი დღით ადრე ცნობილი გახდა, რომ პენტაგონი რუსეთს შეერთებული შტატების ეროვნული უსაფრთხოების „მწვავე საფრთხედ“ მიიჩნევს. ამის შესახებ ნათქვამია აშშ-ს თავდაცვის დეპარტამენტის მიერ კონგრესისთვის წარდგენილ დოკუმენტში, რომელიც კონგრესს წარედგინა.
კომენტარები