“ჯერ კანონით აგებ პასუხს, მერე უფალი დაგსჯის ხალხის მოტყუებისთვის” – კოტე კემულარია

კამერების წინ შეკითხვაზე-“ვის მხარეს არის პრემიერი: უკრაინის თუ რუსეთის?”, ღარიბაშვილი პასუხობს, რომ

“საქართველოს მხარეს არის”.

ეს პასუხი დადასტურებულად ნიშნავს რომ, ის არარის უკრაინის მხარეს.

რატომ????

რატომ არ არის საქართველოს პრემიერი იმ ქვეყნის მხარეს, რომელსაც ომის გამოუცხადებლად თავს დაესხა რუსული არმია?

ჩვენი პრემიერი ხომ იმ ქვეყანას წარმოადგენს, რომელსაც 2008 წელს, ასევე დაესხა თავს რუსული არმია და დღემდე ოკუპირებული აქვს ჩვენი ტერიტორიის 20%.

თუ ჩვენს ხელისუფლებას მართლა სურს ევროკავშირის წევრობის კანდიდატის სტატუსის მოპოვება, რატომ აკეთებს ის გერმანიის პრეზიდენტის შოლცის განცხადების იგნორს? შოლცმა,

ევროკავშირის სახელით, ორი დღის წინ,

ერთმნიშვნელოვნად განაცხადა რომ,

“ვისაც სურს ევროკავშირის წევრობა, უნდა შეუერთდეს ჩვენს სანქციებს და ცალსახად უკრაინის მხარეს უნდა იყოსო”.

უნგრეთი, რომელიც რუსეთის მიმართ რევერანსებით გამოირჩევა, ერთადერთი ქვეყანა აღმოჩნდა, რომელმაც უკრაინისთვის 11 მლრდ ევროს გამოყოფას არ დაუჭირა მხარი. ევროკავშირმა განაცხადა რომ “ის გადალახავს ამ წინააღმდეგობას” და უნგრეთს შეუჩერა

7.5 მლრდ ევროს დახმარება.

უკრაინის მხარეს არდადგომა, ევროკავშირის მიერ განიხილება რუსეთის ფაქტობრივ მხარდაჭერად. თუ ამის გამო

ისჯება წევრი სახელმწიფო-უნგრეთი, წევრობის კანდიდატობის პრეტედენტ საქართველოს, ანალოგიური “რუსეთის საამო” ქცევისთვის, დასჯიან ასევე.

ეს უნდა ჩვენს პრემიერს?

დიახ! ასე ჩანს მისი ქცევიდან.

რაც შეეხება უკრაინაში ქართული ღირსებისთვის მებრძოლი გმირი ბიჭების

შეურაცხყოფას, ეს უკვე, მორალს და ეთიკას კი არა, საღ აზრს სცილდება და ყველამ გაითვალისწინოს რომ,

ეს დაუსჯელი არ დარჩება.

დაუსჯელი არ დარჩება საქართველოს მესამე პრეზიდენტის მიმართ არადამიანური მოპყრობის გამო, საპყრობილეში მისი სიკვდილის პირამდე მიყვანა. ხელისუფლება და პირადად მისი მეთაური, პირდაპირ არის პასუხისმგებელი თითოეული პატიმრის სიცოცხლეზე. მითუმეტეს, როდესაც შურისძიების გამო, პოლიტიკური ოპონენტის სიკვდილის პირას მიყვანა ხელისუფლებას ბრალდება. ამაზე, დღეს ევროკავშირმა კიდევ ერთხელ განუცხადა საქართველოს ხელისუფლებას.

საკუთარი გადაცდომების ღმერთზე გადაბარება, ორმაგად ისჯება: ჯერ კანონით აგებ პასუხს, მერე უფალი დაგსჯის ხალხის მოტყუების და არადამიანური საქციელისთვის.”