“ჯერ იყო და მე და ჩემმა ძმამ ვნახეთ, როგორ დაულეწეს მამაჩემს სახის ძვლები” – ხაბეიშვილის შვილი

“ერთიანი ნაციონალური მოძრაობის” ლიდერის, დაპატიმრებული პოლიტიკოსის, ლევან ხაბეიშვილის ვაჟმა TV პირველისთვის მიცემულ ინტერვიუში განაცხადა.

“ჯერ იყო და ტელევიზორში მე და ჩემმა ძმამ ვნახეთ, თუ როგორ დაულეწეს მამაჩემს სახის ძვლები. მე და ჩემს ძმას არასდროს დაგვავიწყდება, როცა ის სახლში მოვიდა, როგორ ჰქონდა დალეწილი მთელი სახე. ახლა კიდევ ის წაგვართვეს და უსამართლოდ დაატყვევეს. იმის ნაცვლად, რომ მე და ჩემი ძმა განათლებაზე ვიყოთ კონცენტრირებულები, გვიწევს ახლა სასამართლოებში სიარული. მე მინდა, რომ მამაჩემი მხნედ იყოს და იცოდეს, რომ ძალიან ბევრი ადამიანი გულშემატკივრობს. ერთსაც დავამატებ, ძალიან ვამაყობ, რომ პატრიოტი კაცის შვილი ვარ”, – ამბობს ხაბეიშვილის შვილი. 

თბილისის საქალაქო სასამართლომ ოპოზიციონერი პოლიტიკისები – ლევან ხაბეიშვილი და მურთაზ ზოდელავა პატიმრობაში დატოვა, საქმე კი, არსებით განხილვაზე გადავიდა.