სინდისის პატიმრის, რეზო კიკნაძის წერილი საკნიდან:
,,თავიდან ჯგუფს გვეძახდნენ და ერთად დაგვსვეს როცა ერთმანეთზე გაგებულიც არ გქვონდა.
ახლა ჯავახამ და მინდიამ იციან,რომ მე პომიდორი მიყვარს,მიწისთხილი და ხაჭოს ნამცხვრები,მე ვიცი რომ ჯავახას მაიონეზი უყვარს,ნაგეტსები და შემწვარი კვერცხი,მინდიას-ჯემიანი მაფინი,ლობიო და ყავა…
ერთმანეთზე უკვე ისეთი დეტალები ვიცით…ადრე ჯგუფი ხართო და არც კი ვიცნობდით,ახლა კი ოჯახი ვართ.საერთო გვაქვს ტკივილიც და სიხარულიც.ერთად ვსვამთ და ერთად ვჭამთ, ერთად ვტირით და ერთად ვიცინით.
ყველაზე საყვარლობა მომენტია როცა საჭმელს ვამზადებთ ხოლმე და ყველა რაღაცას ვაკეთებთ-ზოგი ხახვს ჭრის,ზოგი ხორცს წვავს,ზოგი კარტოფილს თლის.ჭამის შემდეგ ვიღაც თეფშს რეცხავს,ვიღაც მაგიდას წმენდს. ყველაფერში ვეხმარებით ერთმანეთს და უერთმანეთოდ თითქმის არაფერს ვაკეთებთ.
გამიგრძელდა შესავალი და მოკლედ დღეს ჩვენი ოჯახის ყველაზე პატარა წევრის, მაგრამ ოჯახის უფროსის (ასე ვეძახით :დ <3) ნიკოლოზ ჯავახიშვილის დაბადების დღეა.
ისედაც იცის როგორ მიყვარს და მოდი ამ მისალოც ტექსტშიც ფორმალურად დავწერ(ფორმალურად იმიტომ რომ სიტყვები საერთოდ არაა საჭირო იმის გამოსახატად თუ როგორ დავახლოვდით და როგორ პატივს ვცემთთ ერთმანეთს)…
ჯავახ გილოცავ, ძალიან გაფასებ,ჩემი ძმა ხარ, ჯერ 15 თვე აქ ვიქნებით ერთად და მერე მთელი ცხოვრება… სურვილები ერთნაირი გვაქვს-თავისუფალი საქართველო და ვიცი რომ ყოველთვის ისეთი ანთებული იქნები ბრძოლისთვის,როგორც ახლა ხარ.
ჯავახა არის მგონი ყველაზე დაუზარელი ადამიანი სამყაროში.სულ მოძრაობაში და რაღაცის კეთებაშია და შეუძლია მთელი დღე სიხარულით იზრუნოს შენზე,ისე რომ თავად განიცადოს ამით ყველაზე დიდი სიამოვნება.
მე და ნიკა ყოველდღე ,,ხვალ“ ვიწყებთ დიეტას,ნიკა წურავდა რომ მოესაჯათ, რადგან ერთი დაბადებისდღე ციხეში აღენიშნა (ორი მოგიწევს ჯავახ :დ)…
სხვა რაღაცეებს მერე მოგიყვებით…
20 წლის იყო როცა დაიჭირეს და მასზე მებრძოლი და უშიშარი ადამიანი მისი ასაკის კი არა ორჯერ და სამჯერ დიდებშიც ცოტა მინახავს.
ნიკა გილოცავ კიდევ ერთხელ და ერთად ყველაფერს შევძლებთ!
,,ხვალიდან“დიეტაზე ვართ…
P.S.- ახლა როცა ეს იპოსტება ,,ოლე ოლას” ვმღერით ალბათ საკანში.
P.P.S-ნიკას მთავარი სურვილია 4-ში მთელ ქვეყანა გამოვიდეს გარეთ მშვიდობიანი რევულუციისთვის.ეს იქნება ჩემი დაბადების დღის საჩუქარიო ყოველ დღე ამას ამბობს.
საკანი 38.“
კომენტარები