ჯანდაცვის მსოფლიო ორგანიზაციის ექსპერტთა საერთაშორისო ჯგუფი, ჩინეთში, ქალაქ უჰანში იმ საავადმყოფოს ესტუმრა, სადაც COVID-19-ით ინფიცირებულ პირველ პაციენტებს მკურნალობდნენ. ამის შესახებ ჯანმო-ს დელეგაციის წევრმა მარიონ კუპმანსმა განაცხადა.
“ახლახან დავბრუნდი Jinyintan Hospital-დან, რომელიც სპეციალიზირებულია ინფექციურ დაავადებებში და სადაც უჰანში გამოვლენილ პირველ შემთხვევებს მკურნალობდნენ. მათი მონაყოლი ისტორიები ძალიან ჰგავს იმ ამბებს, რაც ჩვენი ექიმებისგან ვისმენდი”, – წერს მარიონ კუპმანსი.
ამჟამად, ჩინეთი ჯანმო-ს საერთაშორისო ექსპერტთა ჯგუფს მასპინძლობს, რომელიც COVID-19-ის წარმოშობას იკვლევს. სპეციალისტები ჩინეთში, ქალაქ უჰანში 14 იანვარს ჩავიდნენ, რის შემდეგაც ისინი სავალდებულო 14-დღიან კარანტინში მოათავსეს.
კომენტარები