ჯანდაცვის მსოფლიო ორგანიზაცია ქვეყნებს ელექტრონული სიგარეტის საფრთხის შესახებ აფრთხილებს და მათი მიმოქცევის შესახებ კანონმდებლობის გაძლიერებას ითხოვს.
უწყება აღნიშნავს, რომ ელექტრონული სიგარეტი “დამოკიდებულებას იწვევს და სულაც არ არის უვნებელი”.
ორგანიზაციაში აცხადებენ, რომ ელექტრონული სიგარეტები განსაკუთრებით საშიშია ბავშვებისთვის და მოზარდებისთვის, რადგან ამის შემდეგ, ისინი, უმეტესად, ჩვეულებრივი სიგარეტის მოწევას იწყებენ.
სპეციალისტების თქმით, ელექტრონული სიგარეტის მოწევის გრძელვადიანი შედეგები უფრო მეტ კვლევას მოითხოვს. მაგრამ არსებული მონაცემების თანახმად, მისი მოწევა უარყოფით გავლენას ახდენს გულის მუშაობასა და სისხლის მიმოქცევაზე, ასევე პრობლემებს უქმნის ფილტვებსა და არტერიულ წნევას. ამასთან, ელექტრონული სიგარეტით მწეველი ნიკოტინის უფრო დიდი დოზას იღებს, ვიდრე ჩვეულებრივი სიგარეტის შემთხვევაში.
კომენტარები