რატომ არ გაიკეთა ჯანდაცვის მინისტრმა ვაქცინა – ეკატერინე ტიკრაძემ “დღის კურიერის” კითხვას, უკავშირდება თუ არა ტელეკამერების წინ აცრის არგაკეთება იმას, რომ “ასტრაზენეკას” ვაქცინის ევროკავშირის ზოგიერთ ქვეყანაში დროებით შეჩერდა, ტიკარაძემ ასე უპასუხა:
“არა, ეს არ არის მიზეზი, რატომაც არ გავიკეთე ვაქცინა, თუმცა, პრობლემას ვერ ვხედავ, თუ საზოგადობაში კითხვებს ბადებს ეს ფაქტი, რომ უახლოეს პერიოდში გავიკეთო აცრა.
თუმცა, საინტერესოა, მაშინ, როცა ქვეყანაში შემოვა სხვა ვაქცინები, რომელთან დაკავშირებითაც, ასევე შეიძლება არსებობდეს კითხვები, მაგალითად, ჩინური ვაქცინა, გახდება თუ არა აუცილებელი, რომ ჯანდაცვის მინისტრმა, ან ნებისმიერმა საჯარო პირმა, ისევ და ისევ საჯაროდ გაიკეთოს ის აცრაც, ვინაიდან, ჩვენ ვიცით, რომ აცრები უნდა იყოს დაცული და არ შეიძლება მათი არევა, აქედან გამომდინარე, ჩემთვის ესეც ძალიან საინტერესოა”
ჯანდაცვის მინისტრის განცხადებით, სამედიცინო პერსონალის სიმცირე ვაქცინაციის პირველ დღეს ანტივაქსერულ კამპანიას უკავშირდება, თუმცა, ტიკარაძის თქმით, პირველი დღისთვის 3000 მედიკოსი დარეგისტრირდა და ამ დროისთვის 500 ექიმი უკვე აცრილია.
“ეს პროცესი რომ იქნებოდა რთული, გათვითცნობიერებული გვქონდა. დარწმუნებული ვარ, რომ ეტაპობრივად ვაქცინის მიმართ სანდოობა უფრო გაიზრდება და ჩვენი ექიმებიც, რომლებიც იმყოფებიან წინა ხაზზე, პრიორიტეტია ეს ჯგუფი და ამიტომ საკუთარ ვაქცინას ვუთმობთ ექიმებს. ვცრით პირველად მათ. დარწმუნებული ვარ, საქართველო იქნება ერთ-ერთი გამორჩეული ქვეყანა, სადაც სწორად და შეუფერხებლად წარიმართება ეს პროცესი,”- განაცხადა “დღის კურიერში” ეკატერინე ტიკარაძემ.
მართლაც ჩინურ ვაქცინას ელოდება მინისტრი, თუ უბრალოდ, არასახარბიელოდ “იხუმრა”, უცნობია. არაერთმა მინისტრმა გაიკეთა “ასტრაზენეკას” ვაქცინა პირდაპირ ეთერში, საჯაროდ გაიკეთა ვაქცინა უკრაინის პრეზიდენტმაც – არავის უთქვამს, ეს ვაქცინა რომ გავიკეთო, მერე სხვა ვაქცინა როგორ გავიკეთოო… მნიშვნელოვანი სწორედ პირველი ნაბიჯებია! ვაქცინის პროპაგანდაზე წარმოდგენა რომ არ აქვს მინისტრს, პრინციპში, ეს აქამდეც ჩანდა.
ვერ ხვდება, სტიმული რომ იქნება ექიმებისთვის, ჯანდაცვის მინისტრის მიერ ვაქცინის გაკეთება, ვერ იგებს, რა აზრი აქვს გაიკეთებს, თუ არა ვაქცინას და როდის გაიკეთებეს, მაგრამ, მიუხედავად იმისა, რომ ვერ ხვდება, გულწრფელად ვერ ხვდება, ხალხი მისგან რას ითხოვს, კიდევ თუ მოითხოვთ, რამდენიმე დღეში გავიკეთებო… რამდენიმე დღეში რატომ? ხვალ დილით ვერ მოასწრებთ, მინისტრო?
კომენტარები