“ივანიშვილს უნიკალური ნიჭი აქვს” – ბურჯანაძე

პოლიტიკოსი, ნინო ბურჯანაძე, მედიასთან ამბობს:

“რაც შეეხება სააკაშვილს, ივანიშვილს უნიკალური ნიჭი აქვს, მან მოახერხა ის, რომ შეურიგებელი ადამიანები დასხა ერთი მაგიდის ირგვლივ, განსხვავებული პარტიები შეთანხმდნენ კოალიციაზე, ნაციონალური მოძრაობა, ჩვენი პარტია, ლელო, სხვა პარტიები. მოახერხა ის, რომ ადამიანი, რომლებსაც შეიძლება არ უყვარდეს სააკაშვილი, მაგრამ ან ქრისტიანული, ან ადამიანური მორალი აქვს, შეუძლებელია, არ აღფოთდეს. ერთი კვირის წინ ვიყავი საავადმყოფოში ახლობლის სანახავად, გვერდზე პალატაში იწვა სასჯელაღსრულების დაწესებულებიდან გადმოყვანილი პირი და სამი მცველი იჯდა პალატასთან. თუ იმ ადამიანის გადაყვანა შეიძლებოდა, ჩვეულებრივ საავადმყოფოში, რატომ არ შეიძლება სააკაშვილის გადაყვანა? ან რა ბოდვა იყო გორდონის უკან დაბრუნება? რასაც ოცნება აკეთებს არაფერში ჯდება, სააკაშვილი მოგვწონს, თუ არა, ამაზე კი არ არის საუბარი, თუ ახლა ოცნებას გაუვიდა და გოჭების და რაღაცეების ფასად გამარჯვება დაიწერა, საერთოდ, ცივილიზაციას მოვწყდებით, ქვეყანას, რომელსაც შეუძლია ავდოკატი არ შემოიყვანოს, ჟურნალისტი გააბრუნოს… მთელი მსოფლიო რომ უყურებს პრეზიდენტს, მისცემენ, თუ არა თავდაცვის საშუალებას, გადაიყვანენ, თუ არა, ქართულ ოცნებას რომ აძლევთ ხმას, თქვენ ან რომელიმე თქვენი ახლობელი რომ დაიჭირონ და ბიძინა თქვენზე გაბრაზებული იყოს, ისე ჩაგალპობენ რომ კაციშვილი თქვენი მომკითხავი არ იქნება, ხალხო.”