გიორგი ჯავახაძე, ალია
მასალა სრულად – “ალიას” 18 ოქტომბრის ნომერში.
„ალიას“ წყარო, რომელიც ყოფილი ძალოვანია და გასაგებ მიზეზთა გამო, არ სურს ვინაობის დასახელება, შემდეგს უყვება:
“მოლაპარაკება ოპოზიციასა და ხელისუფლებას შორის გრძელდება, ეს ფაქტია, მაგრამ, როგორც ჩანს, რაღაც საკითხებზე ვერ თანხმდებიან ბოლომდე, ან ვიღაც გამიზნულად წელავს შეთანხმების პროცესს.
მეუფე ნიკოლოზმა, რომელიც აცხადებდა, მჯერა სააკაშვილი მალე გამოვა და ქვეყანაში ახალი ერა და ეპოქა დაიწყებაო, მერე თქვა, მე არ ვიცი, სააკაშვილის ციხიდან გამოსვლა როგორ უნდა მოხდეს სამართლებრივი გზითო – პრინციპში, ამით, მეუფე ნიკოლოზმა ხელისუფლებას და საპატრიარქოში მის მოწინააღმდეგეებს უთხრა, თუ ხელისუფლება არაფერს იღონებს და მოლაპარაკებები, რომელშიც ჩამრთეთ, ხელოვნურად გაიწელება, მიშას გამოყვანის სახალხო, რევოლუციური სცენარიც არსებობსო!
ეპისკოპოსების ნაწილი ჩუმადაა და ამით კიდევ ერთხელ უსვამენ ხაზს იმას, რომ შეიძლება ღიად არ უჭერენ მხარს სააკაშვილს, მაგრამ არც ივანიშვილის მხარეს იჭერენ ღიად – ეს უკვე პოზიცია. ყველამ იცის, რომ პატრიარქი არ არის რევოლუციონერი, ის ბოლომდე ეცდება, მოლაპარაკების გზით მოხდეს სააკაშვილის გამოსვლა, მით უფრო, საპატრიარქო თუ შუამავლი იქნება ამ მოლაპარაკებებში, სააკაშვილი კარგად დაუფასებს. მეუფე ნიკოლოზი არ და ვერ იმოქმედებს პატრიარქის ნების წინააღმდეგ – ამიტომ, მართალია, საპატრიარქო კი ამტკიცებს, რასაც აკეთებს და ამბობს, ეს მისი პირადი აზრიაო, მაგრამ ასეთი, პოლიტიკურად მიუღებელი პირადი აზრებისთვის ბევრი ეპისკოპოსი დასჯილა და რატომ მეუფე ნიკოლოზს არ იბარებს სინოდი სასაუბროდ მაშინ?
ახლა მოლაპარაკებები მიდის, რასაკვირველია, კოალიციაზე, ვინ რამდენი პროცენტით იქნება წარმოდგენილი ამ კოალიციაში. ახლა, ჩემი ინფორმაციით, იმაზე მიდის მოლაპარაკება, რა პროცენტით გააკონტროლებს მიშა ამ კოალიციას, „ოცნებას“ მიშას გარეშე აწყობს ეს კოალიცია, მაგრამ საქმე ისაა, რომ ოპოზიციასაც, მიშას გარეშე აწყობს კოალიცია „ოცნებასთან“. პრობლემა ისაა, რომ დასავლეთმა და ამერიკამ „ენმ“-ის მაკონტრელებელი სხვა პირი ვერავინ ნახა ისევ მიშას გარდა და პასუხისმგებელი პირი სჭირდება ოპოზიციის მხირდანაც. ერთი ისეთი ადამიანია ოპოზიციიდან ჩართული მოლაპარაკებებში, რომელიც თბილისსა წააგებინებს ოპოზიციას თუ დასჭირდა, მიშასაც გასწირავს და ყველას ფულის და პირადი კეთილდღეობის სანაცვლოდ – სხვათა შორის, ამ ადამიანის გაძევება ოპოზიციური გუნდიდან რამდენჯერმე სცადა თავად მიშამაც კი, მაგრამ უკრაინიდან ეს არ გამოუვიდა და ახლა, ეს ადამიანი ციხეში მყოფს თუ არ უღალატებს, იქნებ, აპატიოს კიდეც, ძველი ცოდვები.
ერთი მნიშვნელოვანი ფაქტია კიდევ, ყველა პატიმარს აქვს კვირაში 45 წუთი ზარის უფლება და სააკაშვილისთვის 45 წამიც არ გამოიძებნა? რა გახდა მისი ერთი ღია ზარი? ნუ იქნება პოლიტიკური, მაგრამ აჩვენონ ხალხს, რომ შეუძლია საუბარი და მართლა იმას ფიქრობს, რასაც მის წერილებში გვიკითხავენ.
თავისი სიტყვა მოლაპარაკებებში არ აქვს ჯერ ნათქვამი ივანიშვილს, მის გარეშე კი მოლაპარაკებები არ და ვერ დასრულდება. მის გარეშე ვერც იმას გაარკვევენ, რამდენ ბარტს გადაუგდებს ბუდიდან ოპოზიციას ივანიშვილი. სავარაუდოდ, ივანიშვილი ელოდება მიხეილ სააკაშვილის და „ენმ“-ის მეტად დასუსტებას, რადგან ახლა ისე ჩანს, რომ ივანიშვილმა კიდევ ერთხელ გატეხა სიტყვა, ამჯერად უკვე სააკაშვილთან, მოიქცია ხელში, წელავს მოლაპარაკებებს, რათა მეტად დაასუსტოს და მეტად დაათმობინოს პოზიცია. ფაქტია ისიც, რომ სააკაშვილი თავისით, გარანტიების გარეშე ვერ/არ ჩამოვიდოდა ქვეყანაში. ისიც ფაქტია, რომ ივანიშვილი მას იქ ვერ და არ მოკლავს, ამიტომ, მხოლოდ ორი გზაა, მართლაც გაატანოს უკრაინას და მეორე – შედგეს მოლაპარაკება და გამოუშვას. რაც მეტად გააჭინაურებს მის გამოშვებას, მით მეტად განმტკიცდება მითი, რომ მიშა ყოვლისშემძლე და ძლიერია.“
კომენტარები