“ივანიშვილია პირველი მოღალატე და ფოკუსი ივანიშვილისკენ უნდა გვქონდეს მუდმივად” – სანაია

ჟურნალისტი, ვახო სანაია:

“ივანიშვილს, ღარიბაშვილს, კობახიძეს, მდინარაძეს, კალაძეს, ხუნდაძეს, ყაველაშვილს… საერთოდ ხელი როგორ უნდა ჩამოართვას ვინმემ ?! როგორ შეიძლება, საერთოდ მოახერხონ აქტიურ საზოგადოებრივ-პოლიტიკურ ასპარეზზე მონაწილეობა ?!

ამას ივანიშვილიც კარგად ხვდება.

ესენი უკვე გამოუსადეგარი ხალხია. სავარაუდოდ ივანიშვილი ახლა ფიქრობს, რომ ეს მარიონეტები საერთოდ მოაცილოს ან მაქსიმალურად მიფარებულში დამალოს. ოღონდ ეს ისე უნდა გააკეთოს, შიდა რყევები აირიდოს თავიდან.

ყველა მარცხის მერე მმართველი ასპარეზზე ახალი მარიონეტების გამოყვანას იწყებს, ჰგონია რა, რომ განტევების ვაცები თავად მას დანაშაულს ჩამორეცხავენ და თვითონ გადარჩება. ისტორიული გამოცდილებით, ასეთი ნაბიჯი რეჟიმის დაცემის მოახლოების უტყუარი ნიშანია, მაგრამ ამასთან, ძალაუფლების გარკვეული პერიოდით შენარჩუნების გახანგრძლივებას ემსახურება.

გარდა ამისა, როგორც კი კოსმეტიკური ცვლილებები ამოსუნთქვის საშუალებას მისცემს, რეჟიმი დაიწყებს რესტავრაციას რეაქციის გზით ანუ მოწინააღმდეგეების სასტიკ დასჯას. ამას ექნება არა მხოლოდ ,,ძველი დიდების” აღდგენის ხასიათი, არამედ უფრო სასტიკი ინდივიდუალური შურისძიების ფორმა, ვიდრე იმ ,,ძველ დიდებამდე” იყო. ერთი სიტყვით, უარესს გააკეთებს, ვიდრე აქამდე აკეთებდა.

რა მუშაობს ხალხის სასარგებლოდ და ივანიშვილის საწინააღმდეგოდ დღევანდელ ვითარებაში – პოლიტიკური კალენდარი იმგვარია, რომ ოპოზიციასა და საზოგადოებას სხვადასხვა ფორმით ძლიერი პრესინგისა და დღის წესრიგის კარნახის საშუალებას აძლევს. იმდენად დატვირთული კალენდარი და იმდენად მნიშვნელოვანი საკითხებია, სადაც წნეხი უნდა იყოს ხელისუფლებაზე, ამის განიავება დანაშაულის ტოლფასია ! ქართულ ოცნებას თავის წამოწევის საშუალება არ უნდა მიეცეს !

თავად ივანიშვილია პირველი მოღალატე და ყველა, ვინც მასთან ითანამშრომლებს და თანამდებობებზე დანიშნავს, ზუსტად იგივენი იქნებიან, რაც დღეს არიან კობახიძეები, მდინარაძეები და ასე შემდეგ. განსხვავება არაა. ფოკუსი ივანიშვილისკენ უნდა გვქონდეს მუდმივად, რომ კოსმეტიკური ცვლილებებით ფონს ვერ გავიდეს.

,,ქართული ოცნება” – რუსული ხელიაუფლება, მოღალატეების ხელისუფლება, რუსები – კატასტროფა სახელი დაარქვა ხალხმა ივანიშვილს. ეს განაჩენია, რომელსაც აღსრულება სჭირდება.

აუცილებელია მტკიცე და ცხადი სტრატეგია !”