მიხეილ სააკაშვილი ციხიდან წერილს აქვეყნებს:
,,ივანიშვილი რამდენიმე ხერხით ცდილობს ამერიკასთან დალაგებას.
1) ტრამპიზმის მიმიკირებით, ოღონდ ოლიგარქის ვითომ ტრამპიზმი სრულიად შეუთავსებელია ნამდვილ ტრამპიზმთან, კერძოდ, სიტყვის თავისუფლების შეზღუდვა, ოპონენტების დაჭერა, მიგრანტების მასობრივად შემოყრა, ისლამისტების გაჯეჯილება.
2) ცდილობს მატერიალურად დააინტერესოს ტრამპის გარემოცვა. ტრამპ თაუერი ამის ნათელი ნიმუშია, ისევე როგორც “არაბული ქალაქები”, რომლის გასაიდუმლოებულ კონტრაქტებში დიდი ალბათობით ფიგურირებენ (ისევე როგორც სერბეთში და ალბანეთში) ტრამპთან დაკავშირებული პირები, მაგრამ სხვა ქვეყნების გამოცდილება ადასტურებს, რომ ტრამპის ოჯახის წევრების მონაწილეობაც კი ერთობლივ ბიზნესში არ იძლევა არაფრის გარანტიას.
არის კიდევ ერთი ფაქტორი. თუ შეგიმჩნევიათ, რომ ამერიკის დელეგაციებთან შეხვედრის დროს ივანიშვილის ხელის “პრემიერი” არასდროს იღიმება და კრიჭაშეკრული ზის კამერების წინ. ეს იმას ნიშნავს, რომ ბორიას არ უნდა რუსების ეჭვიანობა გამოიწვიოს. სწორედ ამიტომ არ უშვებენ ამერიკელებს ანაკლიაში.
ხოდა ყველა ამ ფაქტორის გათვალისწინებით, დარწმუნებული ვარ, რომ არა მხოლოდ “დალაგება” არ მოხდება, არამედ მივიღებთ უფრო დიდ კონფლიქტს დიქტატურას და ვაშინგტონს შორის, ვიდრე ეს იყო ბაიდენის დროს. აკი პირველი მკაცრი ნოტები უკვე წამოვიდა, რაღაც მკარნახობს, რომ ეს მხოლოდ დასაწყისია. დიქტატურა!“
კომენტარები