აშშ-ს სახელმწიფო მდივნის მაიკ პომპეოს საქართველოში ვიზიტამდე რამდენიმე დღით ადრე ამერიკული გამოცემა Washington Examiner ვრცელ სტატიას აქვეყნებს, სადაც საქართველოში მიმდინარე პოლიტიკური მოვლენებია განხილული და ავტორი ამერიკის მხრიდან ჩვენი ქვეყნისადმი მკაცრი მესიჯების გაგზავნაზე საუბრობს.
სტატიაში ასევე ვკითხულობთ არჩევნების შემდეგ წამოსული საპროტესტო ტალღის ჩახშობის მცდელობის შესახებ, რომელიც ხელისუფლების მხრიდან ხდება – ავტორის შეფასებით, ეს დემოკრატიულ პროცესებს უკან ხევს:
“სახელმწიფო მდივანმა მაიკ პომპეომ მკაცრი მესიჯები უნდა უნდა გააჟღეროს ავტორიტარული მმართველობის მიმართ, როდესაც ის თბილისს ეწევევა.
ამჟამად, საქართველოს მოსახლეობა არჩევნების შედეგებს აპროტესტებს, რომლის წინააღმდეგაც უსაფრთხოების ძალები წყლის ჭავლსა და სხვა იარაღს იყენებენ – ეს ქმედებები ზედმიწევნით ასახავს ადამიანის უფლებების შელახვას, პრემიერ-მინისტრი გიორგი გახარია და მისი მთავრობა კი დარწმუნებულია, რომ პომპეოს ჩამოსვლისას ყველა სირთულეს გადალახავს. გარდა ამისა, გახარია დაგეგმილ ვიზიტს წარმოაჩენს ისე, თითქოს შეერთებული შტატები ამჟამინდელი ვითარებით კმაყოფილია. პომპეო თვალს არ დახუჭავს ავტორიტაიზმის მზარდობაზე. ვიმედოვნოთ, რომ იგი დახურულ კარს მიღმა უფრო მკაცრ ენას გამოიყენებს.
აქ მთავარი საზრუნავი ბიძინა ივანიშვილია. მილიარდერი ოლიგარქი, რომელიც მმართველი პარტიის “ქართული ოცნების” მთავარი ძალაა. სინამდვილეში ივანიშვილი გახარიას ზურგს ამოფარებული ფარული მმართველია. სამწუხაროდ, მან მწირი ინტერესი გამოავლინა, რომ გამოიყენოს თავისი სიმდიდრე და გავლენა ამ პატარა ერის გლობალური პერსპექტივების დასახმარებლად. ამის ნაცვლად, დეგრადაცია გაუწია საქართველოს კანონის უზენაესობას და ეთამაშა ქვეყნის ჩრდილოეთ აგრესორს, რუსეთს. ივანიშვილმა ეს გააკეთა თავისი ქვეყნის ეკონომიკური კავშირების შერყევით აშშ-სა და ევროკავშირთან. მის მიერ პორტის ახალი ობიექტის შეფერხება და, მაგალითად, ინტერნეტის ბოჭკოვანი საკაბელო ქსელი, როგორც ჩანს, ცალსახად შექმნილია მისი მეგობრული ინტერესების გასაზრდელად პუტინის სტრატეგიულ გეგმასთან ერთად.
ეს პრობლემაა: რაც უფრო მეტი კონტროლი აქვს პუტინს საქართველოს კრიტიკულ ინფრასტრუქტურაზე, მით უფრო დეგრადირდება მისი ეროვნული პერსპექტივები.
ამრიგად, პომპეომ უნდა გააჟღეროს, რომ აშშ-ს სურს, გააგრძელოს აქტიური მეგობრობა საქართველოასთან. მან ასევე უნდა განმარტოს, რომ ვაშინგტონი სულ უფრო მეტად შეშფოთებულია, როდესაც ქართული სახელმწიფოს მხრიდან მოქალაქეების უფლებები ირღვევა, ასეთ შემთხვევაში პასუხისმგებელი პირები სადამსჯელო ფინანსურ და დიპლომატიურ ღონისძიებებს დაექვემდებარებიან” – ნათქვამია სტატიაში.
შეგახსენებთ, რომ სახელმწიფო მდივნის მაიკ პომპეოს ვიზიტი საქართველოში 17 ნოემბერსაა დაგეგმილი.
კომენტარები