იუსტიციის სახლში დაცვის თანამშრომელმა მოქალაქე სცემა – სახელმწიფო ინსპექტორი

იუსტიციის სახლში დაცვის პოლიციის თანამშრომელმა მოქალაქეს თავში „რაცია“ ჩაარტყა. ამის შესახებ ინფორმაციას სახელმწიფო ინსპექტორის სამსახური ავრცელებს.

მოქალაქემ ჯანმრთელობის დაზიანება მიიღო. უწყების ცნობით, ინციდენტს წინ შელაპარაკება უძღვოდა.

შემთხვევა 2020 წლის 8 დეკემბერს მოხდა. ბრალდება დღეს იქნა წაყენებული.

 უწყების ცნობით, დათვალიერდა შემთხვევის ადგილი და ინფორმაციის შემცველი სხვა ობიექტები, გამოიკითხა 20-მდე მოწმე, ამოღებულ იქნა დანაშაულის იარაღი, გამოთხოვილი იქნა ვიდეოჩანაწერები და სხვა მნიშვნელოვანი ინფორმაცია, ჩატარდა სამედიცინო და სხვა სახის ექსპერტიზები.

დაცვის პოლიციის დეპარტამენტის უმცროსი ინსპექტორის მიმართ სისხლის სამართლის კოდექსის 333-ე მუხლის მე-3 ნაწილის „ბ“ ქვეპუნქტით გათვალისწინებული დანაშაულის ბრალდებით სისხლისსამართლებრივი დევნა დაიწყო.

ბრალდება სამართლის კოდექსის 333-ე მუხლის მე-3 ნაწილის „ბ“ ქვეპუნქტით, შინაგან საქმეთა სამინისტროს თანამშრომელს, სახელმწიფო ინსპექტორის სამსახურის საგამოძიებო დეპარტამენტის მიერ წარედგინა.