პარტია “საქართველოსთვის” პოლიტსაბჭოს წევრი, ნათია მეზვრიშვილი:
“
2023 წლის მშრალი ფაქტები ოცნების საგარეო კურსის შესაფასებლად:
2023 წლის მშრალი ფაქტები ოცნების საგარეო კურსის შესაფასებლად:
წელი დაიწყო ხელისუფლების პროპაგანდის ინსტრუმენტის – ვინმე შათირიშვილის ანტი-ამერიკული წერილით, რომელიც აიტაცეს სხვა ინსტრუმენტებმა – „ექსპერტებმა“, ბიძინას 9-იანმა, ოცნებამ, პოს ტვ-იმ, იმედმა და სამწუხაროდ, რუსთავი 2-მა.არ გასულა კვირა პროპაგანდის მთავარ ინსტრუმენტს – „იმედს“ ანტი-დასავლური სიუჟეტი არ მოემზადებინა ან კომენტარი არ გაეშუქებინა.„ომის პარტიის“ საზღვრები გააფართოვეს (ჯერ 9-იანის და შემდეგ კობახიძის პირით) – ახალი წლიდან „გლობალურ ომის პარტიას“ უწოდებენ და მათ თანამონაწილეებად აცხადებენ ყველა უცხოელ დიპლომატს, ექსპერტს და ახლა უკვე CNN-ს. მიზანი მარტივია – დასავლეთის დისკრედიტაცია.ღიად (უკვე მერამდენედ) განაცხადეს, რომ ევროკავშირი და ნატო არ არის იდეაფიქსი და საქართველოს სხვა არჩევანიც აქვს.მტერმა, რუსეთმა (ლავროვმა) ამ პოლიტიკის გამო ხელისუფლება აქო და ადიდა.ევროკავშირის 12 პუნქტი არ შეუსრულებიათ.2023 წლის მიზნებად გამოაცხადეს მშვიდობის შენარჩუნება (რაც გრძელვადიანში დასავლეთის გარეშე პრაქტიკულად შეუძლებელია) და ეკონომიკური განვითარება და არსად, არც ერთ კომენტარში ოცნების ფორმალურ თავმჯდომარეს არ გაუჟღერებია ევროინტეგრაცია.ამ ყველაფრის რეჟისორი და სცენარისტი ისევ დამალულია და ჯერ არ აუხსნია ხალხისთვის როდის დაიწყო და რატომ ქვეყნის საგარეო კურსის ცვლილება.”
კომენტარები