კარდიოლოგი, გიორგი ჭოლაძე 23 წლის ინდოეთის მოქალაქის, სამედიცინო ფაკულტეტის სტუდენტის, დვანიტ რაჯდიპის გარდაცვალებას ეხმაურება:
ვიზიარებ ოჯახის ტრაგედიას ინდოელი სტუდენტის გარდაცვალებასთან დაკავშირებით
ამ კონკრეტულ ფაქტზე ჯერ გამოძიება არ დასრულებულა ამიტომ ვერ განვიხილავ, უბრალოდ ჩემი აზრი მინდა დავაფიქსირო.„სხვა არ არსებობს“
ზოგჯერ ერთი ამბავი საკმარისია, რომ სიჩუმე გატყდეს, მაგრამ არსებობს სიჩუმეები, რომლებიც ბევრად უფრო საშიშია , როცა ვხედავთ და არაფერს ვამბობთ, როცა გვესმის და არ ვუსმენთ.
2019 წლიდან ვასწავლი უცხოელ სტუდენტებს. მათ შორის ბევრ ინდოელს.
ვუყურებ მათ თვალებში იმედს, შრომას, ნდობას. და, სამწუხაროდ, ზოგჯერ შიშსაც.რამდენი შემთხვევა ყოფილა პირდაპირი აგრესიის და ბულინგის განსაკუთრებით ინდოელი სტუდენტების მიმართ, ამას პირად საუბრებში ამბობდნენ. ტრანსპორტში, მაღაზიაში, ქუჩაში. ისეთი ისტორიები მაქვს მოსმენილი რომ შემრცხვენია ჩვენი მოქალაქეების. რას აშავებენ ? სწავლისთვის ჩამოდიან
ყველაზე მძიმე არ არის სიძულვილი.
ყველაზე მძიმე არის გულგრილობა.
როცა ვამბობთ: „ეს ჩემი საქმე არ არის“.
შეიძლება ვერ შევცვალოთ მთელი მსოფლიო, მაგრამ შეგვიძლია შევცვალოთ ერთი დამოკიდებულება, ერთი სიტყვა, ერთი რეაქცია. და ზოგჯერ ეს საკმარისია, რომ ვიღაცამ თავი მარტო აღარ იგრძნოს.“ განათლება, რომელიც არ გვცვლის ცოდნა არ არის“
არსებობს ცოდნა, რომელიც გვავსებს ინფორმაციით.
და არსებობს განათლება, რომელიც გვცვლის ადამიანებად.
ცნობისთვის, 23 წლის ინდოეთის მოქალაქე, სამედიცინო ფაკულტეტის სტუდენტი, დვანიტ რაჯდიპი, რომელსაც ოჯახი 14 მაისიდან ეძებდა, გარდაცვლილი იპოვეს.
ინდური გამოცემის თანახმად, ოჯახს – კერძოდ, მამას – ბოლოს კონტაქტი დვანიტ რაჯდიპთან 14 მაისს ჰქონდა. მას შემდეგ იგი დაკარგულია.
მამის თანახმად, დვანიტს დაპირისპირება ჰქონდა თბილისში იმ ბინის მეპატრონესთან, – ასევე ინდოეთის მოქალაქესთან, – რომელსაც ქირაობდა.
მამის ცნობით, საუბარია „სამხრეთ ინდოელ“ კაცზე, სახელად „ანილზე“.
მამის, მაიურ რაჯდიპის თქმით, დვანიტი „სასტიკ შევიწროებას განიცდიდა“ ბინის გამქირავებლისგან და იმ სხვა ადამიანებისგან, რომლებთან ერთადაც ცხოვრობდა.
„მათი მხრიდან, სავარაუდოდ, ადგილი ჰქონდა მისი ფულის, საკვებისა და ტანსაცმლის ქურდობას.
როდესაც დვანიტმა გადაწყვიტა საცხოვრებლიდან გადასვლა, ანილმა უარი თქვა დეპოზიტის დაბრუნებაზე, რის შემდეგაც მას თანხა გამოსძალეს, საერთო ჯამში 6 500 დოლარი, რა მიზნითაც ოთახში ჰყავდათ გამოკეტილი და მისთვის ტელეფონი ჩამორთმეული ჰქონდათ“, – ამბობს გამოცემასთან მამა.
ამის შემდეგ, გამოცემის თანახმადვე, მამამ შვილს ინდოეთში დასაბრუნებელი ავიაბილეთი გაუგზავნა.
„დვანიტმა აიღო თავისი პასპორტი და ტელეფონი, რათა აეროპორტში წასულიყო“, – წერს გამოცემა ოჯახზე დაყრდნობით.
შემდეგ იყო სატელეფონო ზარი მამასთან, რა დროსაც „ზარი მოულოდნელად გაწყდა“, – წერს IndiaToday.
კომენტარები