ტელეწამყვანი თინა კანდელაკი, ტელეგრამ არხის საშუალებით იმ ადამიანებს მიმართავს, რომლებიც მას რუსეთის ხელისუფლების მხარდაჭერის გამო აკრიტიკებენ.
„ისე იმუქრებიან, ზუსტად ვიცი, მესვრიან კიდეც. ასეც ხდება, პროვოკაციები, მუქარები, ჭორები არა და არ სრულდება. დატოვეთ ეს ყველაფერი სოციალურ ქსელებში.
ქალებს, კაცებს, ვისაც გძულვართ, ყველას მოგინელებთ. თქვენ სადაც განათლება მიიღეთ, მე ეგ სკოლა 10 წლის წინ გავიარე. ნუ იქნებით ასეთი უგუნურები“ – წერს თინა კანდელაკი.
შეგახსენებთ, საზოგადოების კრიტიკა თინა კანდელაკმა მას შემდეგ გამოიწვია, რაც უკრაინაში მომდინარე მოვლენების პარალელურად, რუსეთის ხელისუფლებას მხარი ღიად დაუჭირა.
„თუკი შეეცდებიან ჩვენს დაჩოქებას, მაინც არაფერი გამოუვათ, რადგან რუსეთი არასდროს დაიჩოქებს!“ – განაცხადა კანდელაკმა ვლადიმერ პუტინის მხარდამჭერ აქციაზე სიტყვით გამოსვლისას.
კომენტარები