ასოცირებული პროფესორი, ბექა კობახიძე:
1783-1921 წლების საქართველოს ისტორიაზე ბატონი ლევან ბერძენიშვილის შეხედულებებს, ძალიან ხშირად, არ ვეთანხმები და არ ვეთანხმები კატეგორიულად.
თუმცა, ბატონ ლევანს მგონი არასდროს უთქვამს რომ ის პოზიციონირებს როგორც ისტორიკოსი (რადგან არ არის ისტორიკოსი), როგორც პოლიტიკოსი (არც პოლიტიკაში აღარ არის), როგორც რამე ჯგუფის ან ერთობის წევრი.
მას, როგორც ერთ მოქალაქეს, სრული უფლება აქვს გამოთქვას თავისი აზრი, ვინმეს (თუნდაც მე) მოსწონს თუ არ მოსწონს.
სახელისუფლებო პარტიის და მისი მიმდევრების მცდელობა, რომ კერძო პირის აზრები უფრო დიდ ერთობებს მიაკუთვნონ არის ერთი დიდი შალვარამიშვილობა.
ხოლო მისთვის სტუდენტებთან ურთიერთობის აკრძალვის სურვილი არის ბოლშევიზმი. ის ვინც ამ აკრძალვას ემხრობა, არის გონებასუსტი.
რატომ? რანაირად ეწინააღმდეგება ბ-ნ ლევანის შეხედულებები ერეკლე მეორეზე ჰომეროსის თუ ბარათაშვილის შესახებ ჩატარებულ მის ლექციებს?
ეს დაახლოებით ისეთი ლოგიკაა, რომ ლეო მესის ავუკრძალოთ ფეხბურთის თამაში, რადგან მან სამქულიანები ვერ ჩააგდო კალათბურთის ფარში.
სამქულიანი რომ ვერ ჩააგდო, ამის გამო მისთვის კალათბურთის თამაშის აკრძალვის უფლებაც არავის აქვს.
ყველას გირჩევთ: ჯერ საკუთარი საქმე ისწავლეთ, დახელოვნდით და დაპროფესიონალდით ისე, როგორც ლევან ბერძენიშვილმა ლიტერატურა იცის და მერე გამოთქვით საკუთარი აზრი.
მაგრამ, როგორც იტყვიან, ცარიელ თავთავს თავი ყველაზე მაღლა აქვს აწეულიო
კომენტარები