“ის, რომ აქაური ელჩები სადღაც წინანდალში რთველზე მიდიან, ამას არ ცვლის არანაირად”– სალომე ზურაბიშვილი

საქართველოს მეხუთე პრეზიდენტი სალომე ზურაბიშვილი ევროპარლამენტში დღეს დაგეგმილ დებატებს ეხმაურება და აცხადებს, რომ მაშინ, როცა ევროკავშირში გაფართოების შემდეგ ეტაპზე მსჯელობენ, საქართველო იმ ოთხ ქვეყანას შორის აღარ არის, რომლებისთვისაც შესაბამისი გზამკვლევი მზადდება.

ახლა მიდის მსჯელობა თუ როგორი უნდა იყოს შემდეგი გაფართოება. სამწუხაროა ის, რომ ჩვენ იმ ოთხი ქვეყნის რიგებში აღარ ვართ გათვლილი, რომლებისთვისაც მზადდება ის გზამკვლევი, მაგრამ საინტერესოა, რომ ეს გაფართოების თემა ისევ აქტუალურია, ძალია ახლოს არის და ეს იმას ნიშნავს, რომ ჩვენ თუ შევძლებთ, რომ ჩვენი ქვეყანა ხელახლა დავაყენით იმ გზაზე, სადაც არის ჩვენი ადგილი, ჩვენ ადგილი იქ ასევე იქნება გათვალისწინებული. დღეს. დღეს არ არის, დღეს შეჩერებულია ყველაფერი. მე არ მჯერა იმის, რომ  ჩვენ კანდიდატის სტატუსს წაგვართმევენ, გაჩერებულია, გაყინულია და ეს არის მათი პოზიცია ჩვენს მიმართ. ის, რომ აქაური ელჩები სადღაც წინანდალში რთველზე მიდიან, ამას არ ცვლის არანაირად, – ამბობს სალომე ზურაბიშილი. 

ცნობისთვის, ევროპარლამენტში დღეს საქართველოს საკითხზე დებატები გაიმართება.