“ის გადაწყვეტილება ღარიბაშვილმა მიიღო და სააკაშვილს აბრალებს, უვიზო რეჟიმი გააუქმაო” – მელია

ნაციონალური მოძრაობის ყოფილი თავმჯდომარე, ნიკა მელია, ტვ პირველთან, ამბობს:

“პუტინის გადადგმული ნაბიჯი, დარწმუნებული ვარ შეთანხმებულია ქართულ ოცნებათან, როცა მთელ საერთაშორიშო სამყაროს იზოლაციაში ჰყავს პუტინის რუსეთი, როცა პუტინის, რუსეთის მთავრობის დადგენილებით, 49 სახელმწიფო არამეგობარი ქვეყნების სიაში ჰყავს შეყვანილი და მათ შორის, ევროკავშირის 27–ვე ქვეყანა, როცა მთელი საერთაშორისო ფორუმებიდან, რუსეთი გამქრალია, ამ დროს, საქართველო ჩადგა ამ ხელისუფლების მეცადინეობით, ბელორუსის ფლანგში. ერთია რას ფიქრობს ღარიბაშვილი და ივანიშვილი პუტინზე და არანაკლებ მნიშვნელოვანია, რას ფიქრობს პუტინი ქართულ ოცნებაზე. დავინახეთ ხელშესახები მცდელობა ქვეყნის ენსპანსიისა. საქართველოდან ნაკლებად ვინმე გაფრინდება მოსკოვში, შემოდინება გაიზრდება და ის გადაწყვეტილება, რომელიც ღარიბაშვილმა მიიღო და ნაციონალურ მოძრაობას და სააკაშვილს აბრალებს, უვიზო რეჟიმი გააუქმაო, იქ იყო გადაწყვეტილება ტურისტებზე გათვლით და 90–დღიანი სავიზო რეჟიმი დააწესეს. 2015 წელს, როდესაც პირველად იყო პრემიერად ღარიბაშვილი, მან უპრეცედენტო გადაწყვეტილება მიიღო და ეს ვადა გააგრძელა 1 წლამდე. აქაც კი იტყუებიან და ამ ნაბიჯს ხსნის ქართუილი ოცნება ხალხზე ზრუნვით. ყველა ქართველი არის უმნიშვნელოვანესი, მაგრამ არა მილიონი, 120 ათასამდე ეთნიკურად ქართველი ცხოვრობს რუსეთში და ეს არანაირად არ ემსაურება მათ ინტერესებს. წილი ნაყარი აქვს ქართულ ოცნებას და ივანიშვილს და მათ პრაქტიკულად განაცხადეს, რომ იცვლიან საგარეო კურს. ქართული ოცნება ზნეს არ შეიცვლის. უნდა მოხერხდეს საზოგადოების კონსოლიდაცია.”