,,ნაციონალური მოძრაობის” ერთ-ერთი ლიდერის, ლევან ხაბეიშვილის ინფორმაციით, თავისუფლების მოედანზე დაგეგმილი აქცია კანონის ფარგლებს არ გასცდება, თუმცა, საქართველოს მესამე პრეზიდენტის სიცოცხლის გადასარჩენად პროტესტის ყველა საშუალებას გამოიყენებენ. მათ შორის, დაგეგმილია საჯარო დაწესებულებების პიკეტირება და გზების გადაკეტვაც.
ეს აქციები იქნება წინააღმდეგობრივი, თუმცა კანონის ფარგლებში და მხოლოდ კანონით მინიჭებულ ქმედებებს განვახორციელებს. ეს არ იქნება აქციები-აქციებისთვის, იქნება მათ შორის გზების გადაკეტვა და საჯარო დაწესებულებების პიკეტირება, რაც კანონით გათვალისწინებულია.
ვაპირებთ მათი მიტაცებული კაბინეტებიდან გამოყრას და პრეზიდენტ სააკაშვილის სიცოცხლისთვის ბრძოლას, დარწმუნებული ვარ, დღეს ათიათასობით ადამიანი მოიყრის თავს თავისუფლების მოედანზე. ვემზადებით მასშტაბური აქციებისთვის, წინააღმდეგობრივი მოძრაობებისთვის და საბოლოო ჯამში, ეს ბრძოლა აუცილებლად მოიტანს შედეგს – აცხადებს ლევან ხაბეიშვილი.
საქართველოს მესამე პრეზიდენტის უკანონო პატიმრობისა და გაყალბებული არჩევნების შედეგების გასაპროტესტებლად ოპოზიცია დღეს აქციას 20 საათზე, თავისუფლების მოედანზე, გამართავს.
აქციაში მონაწილეობის მისაღებად კოლონები მთელი საქართველოდან მოემართება. მათ შორის არიოან ემიგრანტებიც, რომლებიც მიხეილ სააკაშვილის გათავისუფლების მოთხოვნით სპეციალურად ჩამოვიდნენ უცხოეთიდან.
კომენტარები