ინგა გრიგოლია, “ტვ პირველის” ეთერში, ამბობს:
“5 ივლისმა რაღაც შეცვალა ჩემ ცხოვრებაში და აღარც მაქვს სურვილი, ვინმეს რამე ვაპატიო, რაღაცნაირი ლოიალობა… არა, პასუხი უნდა აგოს ყველამ.
ქუჩაში დადიან? ხელისუფლება რომ ჰქვია, ცხრა ათასი დაცვა რომ დაჰყვებათ, ქუჩაში დადიან? მე დავდივარ, მაღაზიაშიც დავდივარ, ბაზარშიც, ქუჩაშიც, გაიარონ რა ქუჩაში… მე ამ ადამიანების უმეტესობას ვიცნობ, მათი ნახევარზე მეტი ამხანაგიც იყო ჩემი, მაგრამ 5 ივლისის მერე გაცამტვერდა ყველაფერი. ხელისუფლებას მინდა ვუთხრა, ხალხი რას ფიქრობს, გაინტერესებთ? გაიარეთ ქუჩაში.”
ინგა გრიგოლიამ ისაუბრა იმაზეც, რომ თავდამსხმელების გამოშვება ნიშნავს იმას, რომ ხელისუფლებამ ნიშანი მისცა, შეუძლიათ სცემონ ჟურნალისტები, დაასისხლიანონ, მოკლან და მათ არავინ დასჯის. გარდა ამისან, მან აღნიშნა ისიც, რომ ვახო სანაიას თუ რამე საფრთხე დაემუქრება, ეს ხელისუფლების პასუხისმგებლობა იქნება.
და ბოლოს ინგა გრიგოლიამ ოპოზიციასაც მიმართა:
“მედია აღმოჩნდა, ყველაზე შეკრული ჯგუფი ამ ქვეყანაში და ყველაზე გაუტეხელი.
პოლიტიკოსებს, ოპოზიციას მინდა ვკითხო. დიდი ბოდიში მეგობრებო, დღეს რომ სასამართლომ სამი თავდამსხმელი გამოუშვა, სად იყავით? სად დადიოდით? ვის ხვდებოდით? რაზე ელაპარაკებოდით? მე და ვახოს არც ერთი პოლიტიკოსის მხარდამჭერა არ გვჭირდება, მართლა სად იყავით, მაინტერესებს. კარგი, არ იცოდით, მერე რომ გაიგეთ, სად ხართ? განცხადება განცხადებაზე რატომ არ კეთდება? სად ხართ? მართლა ბილიკებზე და ტრანსპორტზე სალაპარაკოდ გადიხართ ამ არჩევნებზე?
ვაი, თქვენ პატრონს, აი, ეს მინდა რომ გითხრათ.”
კომენტარები