“პატრიოტთა ალიანსის” ლიდერი, ირმა ინაშვილი, სოციალურ ქსელში ავრცელებს სკანდალურ ვიდეოს, სადაც ჰყვება, მისი პარტიის წევრ, სამველ პეტროსიანისა და “ოცნების დეპუტატ” ენზელ მკოიანის დაპირისპირების შესახებ.
ინაშვილი ამბობს, რომ მკოიანს შეიარაღებული ბანდა ჰყავს და ამ ბანდას განსაკუთრებით ააქტიურებს არჩევნების წინ და არჩევნებისას.
ირმა ინაშვილი ხელს ადებს შსს-ს და პროკურატურას და ამბობს, რომ ისინი მკოიანის ბანდის დანაშაულებს არ იძიებენ და საქმეები თაროზეა შემოდებული, თუმცა, თუ საქმე მაინც წავა სასამართლოში, იქაც მოსამართლე დაიჭერს მკოიანის და მისი მეგობრების მხარეს.
გუშინ მკოიანმა განაცხადა, რომ ეს მას ესროლა “პატრიოტთა ალიანსის” წევრმა პეტროსიანმა სამჯერ, თუმცა, არც მკოიანი და არც ინაშვილი არ საუბრობენ იმაზე, რას მოჰყვა დაპირისპირება და რა ვერ გაიყვეს მკოიანმა და პეტროსიანმა?
ირმა ინაშვილი ხელს ადებს ასევე ირაკლი კობახიძესაც და ამბობს, რომ იგი იცავs მკოიანის “ბანდას”.
რა უნდა ვქნათ ჩვენ, მოქალაქეებმა, როცა პოლიტიკური პარტიის წევრებიც არ არიან დაცულნი? როცა პოლიტიკური ლიდერები საუბრობენ იმაზე, რომ შსს, პროკურატურა, სასამართლო და მმართველი გუნდის ლიდერებიც კი დამნაშავეებს იცავენ? – რა უნდა ვქნათ უბრალო ადამიანებმა, რომლებსაც, იარაღის ტარების უფლებაც კი არა გვაქვს?
ირმა ინაშვილი ამბობს, რომ იარაღი, რომლითაც მკოიანის ნათესავი ისროდა – საქმიდან გააქრეს და მის მაგიერ საქმეში გამოჩნდა იარაღი, რომელიც არ არის ცეცხლსასროლი და თან დაზიანებულია. იქვე გვაჩვენებს ნატყვიარ სახლსა და მანქანას და ამბობს, რომ ამდენი ნატყვირის მიუხედავად, პოლიცია ვერ “პოულობს გილზებს”.
ვიდეოში კიდევ ბევრი საინტერესო და დამაფიქრებელი კადრია:
კომენტარები