“იმისთვის, რომ მხარი დავუჭიროთ საქართველოს, მთავრობამ უნდა შეცვალოს კურსი” – საფრანგეთის ელჩი

საფრანგეთის ელჩი საქართველოში, შერაზ გასრი აცხადებს, რომ საქართველოს ევროკავშირში გაწევრიანებისკენ მიმდინარე პროცესი გაყინულია.

როგორც მოგეხსენებათ, საფრანგეთის დევიზია ერთობა, თანასწორობა, ძმობა, ამ ღირებულებებს ვუსურვებთ საქართველოსაც. დაიწყება მალე ოლიმპიური და პარაოლიმპიური თამაშები და მსურს, რომ
წარმატება ვუსურვო საქართველოს. მათ საქართველოს ძალიან დიდი წარმატება მოუტანეს ევრო 2024-ზე და მსურს სხვა სპორტშიც ვუსურვო ქართველ სპორტსმენებს გამარჯვება. ჩემი სურვილია საქართველო წავიდეს ევროკავშირის გზაზე და ევროკავშირისკენაც მოიპოვოს გამარჯვებები. ამჟამად, ეს პროცესი არის გაყინული. 

ევროპულმა საბჭომ, განაცხადა, რომ ევროკავშირში გაწევრიანების პროცესი იყო დეფაქტო შეჩერებული, ეს იყო იმ გადაწყვეტილებების შედეგი, რომელიც მიღებულ იქნა საქართველოს ხელისუფლების მიერ, ამის შედეგად, ჩვენი პირდაპირი დახმარება შეწყდება ბიუჯეტის მიმართ და ეს დახმარება წარიმართება სამოქალაქო საზოგადოების და მედიის მხრიდან. ჩვენი სურვილია, რომ
საქართველოს მხარი დავუჭიროთ  ევროკავშირისკენ მიმავალ გზაზე, ამისათვის საქართველოს მთავრობამ უნდა შეცვალოს კურსი.

არაფერი არ არის პრინციპულად გადაწყვეტილი, ჩვენ გვინდა, რომ საქართველო დაბრუნდეს ევროკავშირში.
ყველაფერს, რასაც ჩვენ დღეს ვაკეთებთ, ვაკეთებთ იმისთვის, რომ გვინდა მხარი დავუჭიროთ საქართველოს, მხარი დავუჭიროთ საქართველოს ხელისუფლებას (?). მაგრამ, ყველაფერს, რასაც საქართველოს ხელისუფლება აკეთებს, აქვს შედეგები. ჩვენ იმედი გვაქვს, რომ საქართველო გააგრძელებს, რაც შეიძლება ძალიან მალე, ევროკავშირისკენ წინსვლას”, – განაცხადა ელჩმა.