გენადი ბესტაევის მდგომარეობა სტაბილურად მძიმეა, ის კომაშია, მაგრამ არა მედიკამენტოზურში – დავით ქაცარავა სოციალურ ქსელში ინფორმაციას ავრცელებს და სახელმწიფოს ოკუპირებული ცხინვალის უკანონო პატიმრობიდან გათავისუფლებული ადამიანის დსახმარებისკენ მოუწოდებს.
„ამ წუთას გამოვედი ქართულ-ჰოლანდიური კლინიკიდან, სადაც კვლავ მძიმე მდგომარეობაში იმყოფება გენადი ბესტაევი. მისი მდგომარეობა სტაბილურად მძიმეა, ის კომაშია, მაგრამ არა მედიკამენტოზურში..როგორც ექიმმა მითხრა, ბესტაევმა თვალები გაახილა, მაგრამ მაინც იმყოფება ხელოვნური სუნთქვის აპარატზე. დღეს გამოვიტანე სამედიცინო ხარჯების კალკულაცია, რომელიც უახლოეს პერიოდში დასჭირდება გენადი ბესტაევის გადარჩენას და მან შეადგინა 7 275 ლარი.15000 ლარიანი სადაზღვევო ლიმიტი მალე ამოიწურება. ეს კალკულაცია უნდა შევიტანოთ გორის გამგეობაში და დაველოდოთ პასუხს – იმედი მაქვს, რომ სახელმწიფო ამჯერად მაინც დაუდგება გვერდით ამ ადამიანს, რომელიც 2 წლის განმავლობაში მიგდებული ჰყავდა ცხინვალის ციხეში. გენადი ბესტაევი უნდა გადარჩეს“ – წერს დავით ქაცარავა.
გენადი ბესტაევი რუსმა სამხედროებმა სოფელ ზარდიაანთკარიდან 2019 წლის 19 ნოემბერს გაიტაცეს. დე ფაქტო რეჟიმმა მას სამი წლით პატიმრობა მიუსაჯა. ციხეში მყოფ ბესტაევს 15 ნოემბერს განუვითარდა ინსულტი, რის შემდეგაც დე ფაქტო პრეზიდენტმა ანატოლი ბიბილოვმა შეიწყალა. 16 ნოემბერს უკანონოდ დაკავებული გენადი ბესტაევი ოკუპირებული ცხინვალიდან ცენტრალური ხელისუფლების მიერ კონტროლირებად ტერიტორიაზე გადმოიყვანეს და კლინიკაში მოათავსეს.
კომენტარები