ბლოგერი დავით ჩუთლაშვილი:
,,იმას, რაც კახეთში ხდება, უკვე კატასტროფაც აღარ ჰქვია. ეს რაღაც ბევრად უფრო მეტია. ეს არის ენითაუწერელი საშინელება. სახლების ნახევარი უბრალოდ ცარიელია. ცარიელია მოვლილი, გარემონტებული, კეთილმოწყობილი სახლები. არავინ აღარ ცხოვრობს იქ. მთელი უბნებია უკაცრიელი და მიტოვებული, სადაც კაციშვილის ჭაჭანება აღარ არის. ნავენახარი ადგილები შამბს, ძეძოს, მაყვალს და კატაბალახას მიაქვს.
ჰოდა, მე არ ვიცი, ვინ რისთვის დგას რუსთაველზე და ვინ რისთვის იბრძვის, მაგრამ მე ვიბრძვი ქართველი ერის გადაშენების წინააღმდეგ, რაც უკვე დიდი ხანია, რაც დაწყებულია. აღარ მინდა ამ ცარიელი, უდაბური და უკაცრიელი სახლების ყურება. აღარ მინდა ნავენახარი ადგილების ყურება. ყველას, ვინც ვერ ხედავთ, რა უბედურებაც ჩვენს თავს ტრიალებს და მართლა ორი კაპიკის გამო თვალს ხუჭავთ ამ უკანონო რუსული რეჟიმის მიერ ჩვენი ქვეყნის დაქცევასა და გაპარტახებაზე, აუცილებლად შეგრცხვებათ საკუთარი შვილებისთვის თვალებში ჩახედვის, შვილებისა, რომლებსაც მომავალს ართმევთ.“
კომენტარები