გარემოს დაცვის ყოფილი მინისტრი, გიგლა აგულაშვილი:
„ვფიქრობ, შიმშილობა, როგორც პოლიტიკური აქტი შედგა და სადავო არ არის.
არსებითია, შიმშილობის ამ ფორმით ექმნება თუ არა რეალური საფრთხე მოშიმშილის ჯანმრთელობას და სიცოცხლეს.
არსებობს თუ არა გონივრული არგუმენტი მოშიმშილის სამოქალაქო კლინიკაში გადასაყვანად ისეთი სამედიცინო დახმარების აღმოსაჩენად, რაც ვერ მოხდება დაწესებულების საავადმყოფოში.
ხომ არ არის ეს მოთხოვნა შემდგომი პროვოკაციის ნაწილი.
ამ კონტექსტში მოთხოვნას აქვს ემპათიური ლოგიკა.
მაგრამ აბსოლუტურად ამოვარდნილია ლოგიკის ჩარჩოებიდან ლოზუნგი Free Saakashvili.
ამ ლოზუნგის ავტორები გვეუბნებიან, სასამართლოს დედაც, სახელმწიფოს დედაც, განაჩენის დედაც, კანონის დედაც, არჩევნების დედაც … ჯამში, ყველას და ყველაფრის დედაც, ჩვენი უნდა გავისწოროთ და ბელადი გავათავისუფლოთ ახალი რევოლუციის წინამძღოლობისთვისო.
მადლობა გულახდილობისათვის, მაგრამ იმ სახელმწიფოს დედაც, რომელიც ასე დაჩმორდება. ხანგრძლივი სიცოცხლე, სამართლიანი სასამართლო და მსჯავრდება, აი, ჩემი ლოზუნგი!“
კომენტარები