“ოცნების“ მთავრობის მიერ მიღებული ცვლილებებით, ილიას სახელმწიფო უნივერსიტეტს მომავალ სასწავლო წელსსაბაკალავრო პროგრამებზე მხოლოდ 300 სტუდენტის მიღების უფლება ექნება.
მთავრობის მიერ გამოქვეყნებული დადგენილებით ირკვევა, რომ ილიას სახელმწიფო უნივერსიტეტს არსებული 36-დან მხოლოდ 16 პროგრამა რჩება.
თუკი შარშან ილიაუნიში მისაღები ადგილების რაოდენობა საბაკალავრო პროგრამებზე, – naec.ge-ზე გამოქვეყნებული ცნობარის თანახმად, – იყო 4207, წელს მას მხოლოდ 300 ახალი სტუდენტის მიღება შეეძლება.
2026-2027 სასწავლო წელს, ივანე ჯავახიშვილის სახელობის სახელმწიფო უნივერსიტეტში არსებულ პროგრამებზე, ჯამურად, მისაღებ სტუდენტთა ოდენობა 6650-ით განისაზღვრა.
საქართველოს ტექნიკური უნივერსიტეტის პროგრამებზე მომდევნო სასწავლო წელს 3880 მისაღები ადგილი იქნება გათვალისწინებული, ხოლო ილიას უნივერსიტეტს, სასწავლებელში არსებულ პროგრამებზე, ჯამურად, 300 სტუდენტის მიღების შესაძლებლობა ექნება.
სახელმწიფო უნივერსიტეტებში პროგრამებზე მისაღებ სტუდენტთა რაოდენობისა და სასწავლებლებში გადანაწილების კვოტების შესახებ შესაბამისი დოკუმენტი კობახიძემ გუშინ გამოსცა.
დადგენილების მიხედვით, მთელი ქვეყნის მასშტაბით, ბაკალავრიატისა და ერთსაფეხურიანი საგანმანათლებლო პროგრამებზე მისაღებ სტუდენტთა ოდენობა 21 300-ით განისაზღვრა.
რაც შეეხება მაგისტრატურის საგანმანათლებლო პროგრამებს, დოკუმენტის მიხედვით, მისაღები ადგილების ოდენობა 3233 იქნება, საიდანაც 1013 თსუ-ისთვისაა განსაზღვრული, 660 სტუ-ის პროგრამებისთვის, ხოლო 60 ილია უნივერსიტეტისთვის.
კომენტარები