ახლა აზერბაიჯანსა და საქართველოს შორის თანამშრომლობის დონე ძალიან მაღალია. ჩვენ სტრატეგიული პარტნიორები ვართ და საქართველოს ამჟამინდელ ხელისუფლებასთან შესანიშნავი ურთიერთობა გვაქვს. მხარს ვუჭერთ ერთმანეთს, ვართ კარგი მეზობლები და მეგობრები, – ამის შესახებ იაპონურ გამოცემა Nikkei-სთან ინტერვიუში აზერბაიჯანის პრეზიდენტმა ილჰამ ალიევმა განაცხადა.
„მშვიდობის დამყარება რეგიონში არსებულ ვითარებას სრულად შეცვლის. იმედი მაქვს, მალე ვიხილავ დროს, როდესაც სამხრეთ კავკასიის სამივე ქვეყანა ერთმანეთთან ითანამშრომლებს. მაგალითად, ახლა აზერბაიჯანსა და საქართველოს შორის თანამშრომლობის დონე ძალიან მაღალია. ჩვენ სტრატეგიული პარტნიორები ვართ და საქართველოს ამჟამინდელ ხელისუფლებასთან შესანიშნავი ურთიერთობა გვაქვს. მხარს ვუჭერთ ერთმანეთს, ვართ კარგი მეზობლები და მეგობრები. ამასთან ერთად, ძალიან ბევრი საერთო პროექტი გვაქვს განხორციელებული. ნავთობის, გაზის და ენერგორესურსების გადაზიდვა, სარკინიგზო კავშირები, ბაქო-თბილისი-ყარსი, ბაქო-თბილისი-ჯეიჰანი, ბაქო-თბილისი-ერზრუმი, „ტანაპი“ და ა.შ. მე ვფიქრობ, რომ აზერბაიჯანი თურქეთთან ერთად საქართველოში გადასახადების პირველი ან მეორე უმსხვილესი გადამხდელია“ – განაცხადა ალიევმა.
ინტერვიუს სრული ტექსტი აზერბაიჯანის პრეზიდენტის ოფიციალურ ვებგვერდზეა გამოქვეყნებული.
კომენტარები