სტუდენტ ელენე გელაშვილის ძმა, საბა გელაშვილი, სოციალურ ქსელში, წერს:
ჩემი და დაიჭირეს დღეს. ძალიან ბევრი რამის დაწერა მინდა, მაგრამ ყველაფერი ერთ მარტივ რამემდე დაიყვანება: ან გაწუხებს ის ამბავი, რომ ტროტუარზე დგომის გამო ადამიანებს აკავებენ ან რაღაც გაქვს განაღდებული ოცნების მთავრობის ხელში და შენი მოქალაქეობრივი პოზიცია და შენც ჩეჩმაში ხართ მოქცეულები.
ამაზე უფრო უსუსურ მდგომარეობაში ცხოვრებაში არ ვყოფილვარ. ჩემი და წაიყვანეს, გაიტაცეს უსამართლოდ და არაფრის გაკეთება არ შემეძლო, ეგრე ყოფილა ქვეყანა მოწყობილი. ხოდა, ვინც ამ ქვეყნის ასეთ მოწყობას პირდაპირ ან ირიბად მხარს უჭერთ, თუ გინდათ, წყევლად მიიღეთ, იგივე გამოგეცადოთ.
ცნობისთვის, გუშინ, 13 მაისს, პოლიციამ სტუდენტი ელენე გელაშვილი აგრარული უნივერსიტეტის ეზოში დააკავა.
პროევროპული აქციების აქტიური მონაწილე ტროტუარზე დგომის საბაბით მოსამართლე ზვიად ცეკვავამ 2-დღიან პატიმრობაში გაუშვა.
კომენტარები