“იღბლიანი ვიქნებოდი მეც რომ მოვეპარე და გავეშვილებინე ექიმებს, ასეთი მამა არ მეყოლებოდა” – წერილი ჯგუფიდან “ვეძებ”

“მოგესალმებით.

გთხოვთ არ გეწყინოთ და არ ჩამქოლოთ იმ სიმართლის გამო, რასაც დავწერ.

ვინც, შვილს ეძებთ ვიცი, რომ ყველანი კარგი მშობლები და კარგი დედები ხართ,

საშინელება და უპატიებელი დანაშაულია რაც თქვენ გაგიკეთეს მაგრამ, კარგი მშობლების გარდა ცუდი მშობლებიც არსებობენ.

დედაჩემსაც მკვდრად გამოუცხადეს პირველი შვილი, სახლში ვიზიტები და ფსიქოლოგიური ზეწოლა მასზეც ხორციელდებოდა,რომ არ ეჩივლა.

მათ ისევ შეეძინათ შვილები და განაგრძეს ცხოვრება მაგრამ, იცით რაშია საქმე?

დედაჩემს და მამაჩემს ისეთი ცოლ-ქმრობა აქვთ და მთელი ცხოვრება ისეთ ჩხუბში გაგვატარებინეს,რომ არცერთი დღე არ გვახსენდება ბედნიერად,

არცერთი დღე და დღესასწაული, რადგან ყოველი დღესასწაული საბოლოოდ ისევ მათი ჩხუბით და კამათით მთავრდებოდა, შვილები კი სულ მათ დაშოშმინებაში და გაშველებაში ვიყავით.

შვილებს სახლიდან გაქცევა და სამუდამოდ წასვლა ხშირად გვდომებია ისე, რომ ვერც ვერასდროს ვეღარ შეძლებოდათ ჩვენი ნახვა მაგრამ, ისევ ერთმანეთი ვერ გავიმეტეთ ამ ტკვილისთვის

და-ძმებმა.

ხშირად მითქვამს ჩემი მშობლებისთვის, ღირსები იყავით პირველი შვილი რომ მოგპარეს არც დანარჩენი შვილების ღირსები იყავით, ნეტა ჩვენც მოვეპარეთ და გავეშვილებინეთ, თქვენზე უარესი მშობლები მაინც არ გვეყოლებოდა და არც ასეთ ჯოჯოხეთში არ ვიცხოვრებდით რაც, თქვენ მოგვიწყვეთ თქვენი დაუსრულებელი წყვეტა-გლეჯვით და დაუსრულებელი ჩხუბითთქო.

ამ ბოლო წლებში კი მამაჩემი შვილებს სახლიდან გვაგდებდა და სახლის გაყიდვით გვემუქრებოდა რადგან, დედას ვიცავდით.

და დღემდე ვფიქრობ, რომ ძალიან იღბლიანი ვიქნებოდი მეც რომ მოვეპარე და გავეშვილებინე ექიმებს, ასეთი ე.წ მამა მაინც არ მეყოლებოდა.

ასევე ვიცი შემთხვევები, როცა მოზარდებმა თავი მოიკლეს მსგავსი ოჯახური პირობების გამო,

რათქმაუნდა ასეთი ოჯახები ყველაფერს ასაიდუმლოებენ მაგრამ, სიმართლე მაინც ჟონავს.

ისეთებიც ვიცი მამებმა საკუთარი შვილები რომ გაგიჟების ზღვრამდე მიიყვანეს, მათ შორის ბიჭებიც და დაატარებენ ეხლა მათ მიერ გაუბედურებულ შვილებს ფსიქიატრებთან

როცა, ფსიქიატრიულში და ციხეში გამოსაკეტები თავადვე არიან, ასეთი ურჩხული მამები.

გთხოვთ, ნუ იქნებით აგრესიულები ამ პოსტის გამო, რადგან თქვენ კარგი მშობლები, კარგი დედები და მამები ხართ, ეს არ ნიშნავს,რომ ყველა მშობელი თქვენნაირია.

გურიაში კაცმა საკუთარი ბიჭი და ცოლი რომ მოკლა ამასწინათ ალბათ ეს გეცოდინებათ. ანუ ყველა მშობელი არ არის კარგი და ყველას არ შეუძლია მშობლობა, არც ყველა ადამიანია მშობლობის ღირსი. ცუდი მშობლებიც არსებობენ და მათ გვერდით ცხოვრებას ყველაფერი ჯობია.”