იაპონიაში კორონავირუსის ახალი შტამი გამოვლინდა

იაპონიაში კორონავირუსის სამხრეთაფრიკული შტამი გამოვლინდა. ამის შესახებ ადგილობრივი ტელეარხი NHK იუწყება.

ახალი შტამის კორონავირუსი 30 წლის ქალს დაუდასტურდა, რომელიც სამხრეთ აფრიკის რესპუბლიკიდან იაპონიაში 19 დეკემბერს ჩავიდა. ეს არის მუტაციის შედეგად, წარმოქმნილი ვირუსი, რომელიც სამხრეთ აფრიკაში გავრცელდა.

იაპონიაში, ასევე 6 ადამიანს დაუდასტურდა ბრიტანეთში გამოვლენილი კორონავირუსის ახალი შტამი.

ჯამში, იაპონიაში კორონავირუსის ახალი შტამით 15 ადამიანი დაინფიცირდა.

იაპონიის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 2 950 ახალი შემთხვევა გამოვლინდა, ხოლო 39 ადამიანი ვირუსს ემსხვერპლა.

პანდემიის დაწყებიდან დღემდე, იაპონიაში კორონავირუსის 220 948 შემთხვევა გამოვლინდა, ხოლო 3 265 ადამიანი გარდაიცვალა.