ჰანტავირუსის გავრცელების გამო, არგენტინასა და კაბო-ვერდეს შორის მოძრავ საკრუიზო გემზე სამი ადამიანი დაიღუპა. ჯანმოს ინფორმაციით, ამ დროისთვის ინფიცირებულთა საერთო რაოდენობა 8-ს შეადგენს.
შემთხვევა #1 – ახალგაზრდა მამაკაცი, რომელსაც ვირუსის სიმპტომები 6 აპრილს განუვითარდა, ხოლო 11 აპრილს გარდაიცვალა.
შემთხვევა #2 – ახალგაზრდა ქალი, რომელსაც სიმპტომები პირველად 25 აპრილს გამოუვლინდა, 26 აპრილს კი გარდაიცვალა.
შემთხვევა #3 – ახალგაზრდა მამაკაცი, რომელსაც ვირუსის სიმპტომები 24 აპრილს განუვითარდა. PCR ტესტირებით ჰანტავირუსის ინფექცია 2 მაისს დაუდასტურდა.
შემთხვევა #4 – ზრდასრული ქალი, რომელსაც სიმპტომები (ცხელება და ზოგადი სისუსტე) 28 აპრილს გამოუვლინდა, მოგვიანებით კი პნევმონია განუვითარდა. ის 2 მაისს გარდაიცვალა.
შემთხვევა #5: საკრუიზო გემზე, ექიმად მომუშავე ზრდასრულმა მამაკაცი. მისი თქმით, 30 აპრილს ტემპერატურა დაუფიქსირდა. განუვითარდა შემდეგი სიმპტომები: დაღლილობა, კუნთების ტკივილი და სუნთქვის პრობლემები. ის ამჟამად კლინიკაშია. მისი მდგომარეობა სტაბილურია.
შემთხვევა #6: ზრდასრული მამაკაცი, რომელიც გემზე გიდად მუშაობდა. სიმპტომები პირველად 27 აპრილს გამოუვლინდა. ამჟამად კლინიკაში მკურნალობს.
შემთხვევა #7 – ზრდასრული მამაკაცი. შვეიცარიაში, იზოლაციაში იმყოფება.
შემთხვევა #8: ზრდასრული მამაკაცი, სიმპტომების (დიარეა, ტემპერატურა) გამოვლენის თარიღი 28 აპრილი. ამჟამად მისი მდგომარეობა სტაბილურია და იზოლაციაში იმყოფება. ლაბორატორიულ დადასტურებამდე ის სავარაუდო შემთხვევად ითვლება.
კომენტარები