“გზავნილი, რომელიც პარლამენტარებს გადავეცი საიდუმლო არ არის და მარტივია” – აპატურაი

NATO-ს გენერალური მდივნის თანაშემწის მოადგილე, ჯეიმს აპატურაი საქართველოშია. მან პოლიტიკური პოლარიზაციის გამო შეშფოთება გამოთქვა და აღნიშნა, რომ რეფორმები უნდა გაგრძელდეს.

“გზავნილი, რომელიც პარლამენტარებს გადავეცი საიდუმლო არ არის და მარტივია – რეფორმები უნდა გაგრძელდეს, გვაშფოთებს, რომ პოლიტიკური პოლარიზაცია ზოგიერთ რეფორმას აფერხებს. NATO-ს გენერალურმა მდივანმა გასულ კვირას პრემიერს უთხრა, რომ იმედის მომცემი იყო ჩვენთვის, რომ სადავო კანონი უკან იქნა გაწვეული და მითხრეს დღესაც, რომ აღარ იქნება წარმოდგენილი, მაგრამ ეს იყო პოლარიზების ილუსტრირება. იმედგაცრუებული ვარ, რომ არ მხრივ, გამოსწორებული არ არის სიტუაცია და ძალიან მნიშვნელოვანია, რომ ამ მხრივ პროგრესი იყოს”, – განაცხადა აპატურაიმ 

მისივე თქმით,უამრავი დეზინფორმაცია ვრცელდება საქართველოსა და სხვა ქვეყნებში, რომლებიც რუსეთის მიერაა ინსპირირებული

“ვიცი, რომ უამრავი დეზინფორმაცია ვრცელდება საქართველოშიც და სხვა ქვეყნებშიც. რუსეთის მიერ ინსპირირებული დეზინფორმაციის გავრცელება გაიზარდა უკრაინაში აგრესიის დაწყების შემდეგ. უმნიშვნელოვანესია, რომ აქტიურად დავუპირისპირდეთ ამ დეზინფორმაციას.” ამბობს ის.

[თარგმანი “ფორმულა”]

ნატოს გენერალური მდივნის თანაშემწის მოადგილე ნატოს სამეკავშირეო ოფისში დიპლომატებს ხვდება. შეხვედრაზე იმყოფება საქართველოს საგარეო საქმეთა მინისტრის მოადგილე ლაშა დარსალია.

აპატურაის ვიზიტისას თბილისში, ძირითადი აქცენტი გაკეთდება NATO-ს პროგრამაზე, სახელწოდებით “მეცნიერება მშვიდობისა და უსაფრთხოებისთვის”, რომელიც  სპეციალური მექანიზმია ალიანსისა  და მისი პარტნიორი ქვეყნების დიალოგისთვის.