“გვებრძოდა ეშმაკი, ჩვენ სიყვარულს ებრძოდა და ამიტომაც გაგიყვანა უფალმა ასე მალე, რომ ამ არაამქვეყნიურ გრძნობას არაფერი დამუქრებოდა” – ზურა ბაკურაძის მეუღლე

გარდაცვლილი მომღერლის, ზურა ბაკურაძის მეუღლე, ნათია კობახიძე, სოციალურ ქსელში, წერს:

“მე მარტო ჩემი მეგონე და თურმე რამდენისთვის გაგინაწილებია შენი თბილი გული

,,ჩემი ბევრი” ხართქო და ,,ჩემი ტკბილი” ხართქო სულ გეუბნებოდი ზურ, მაგრამ ამდენი თუ იყავი და ასეთი ტკბილი კიდევ ვერ ვხვდებოდი

უამრავი განსაცდელი გამოვიარეთ. გვებრძოდა ეშმაკი, ჩვენს სიყვარულს ებრძოდა და ამიტომაც გაგიყვანა უფალმა ასე მალე, რომ ამ არაამქვეყნიურ გრძნობას არაფერი დამუქრებოდა

ბევრს ყვარებიხარ, მაგრამ ჩემსავით მაინც ვერავინ შეგიყვარებდა

ყველას თავისი წილი ზურა დააკლდა, მაგრამ მარტო მე ჩამომემხო ცხოვრება თავზე

შენ გაფრინდი ცაში ანგელოზად, მე კი დამტოვე ცივ კლდეზე დაგდებულ უსახურ ლოდად

ბოლო ძალას მოვიკრებ და ვილოცებ შენი ლამაზი სულისთვის, რათა დაიმკვიდრო ცათა სასუფეველი

შეხვედრამდე ზურ, იქ უკვე ვერავინ და ვეღარაფერი დაგვაშორებს

მშვიდად განისვენე

მადლობა რომ დაიბადე ჩემთვის ჩემო ,,ბუთუსა”