უკრაინის უსაფრთხოების სამსახური ბუჩასა და სხვა ქალაქებში ჩადენილ რუსულ დანაშაულებთან დაკავშირებით გამოძიებას აწარმოებს. სამსახურის წარმომადგენლის ინფორმაციით, გამოძიება 20 ქალაქში მიმდინარეობს და არა მხოლოდ ოკუპანტებზე, იმ უკრაინელებზეც, ვინც მათ ეხმარებიან:
“უკვე გვაქვს პირველი სია იმ რუსი სამხედროების, ვის წინააღმდეგაც გამოძიება დაიწყება, ასევე იმ 33 უკრაინელის, ვინც მტერს ეხმარებოდა. სამხედრო დანაშაულებზე შეგროვებულ ყველა დეტალს და მტკიცებულებას საერთაშორისო სასამართლოს გადავცემთ” ამბობენ უკრაინის უსაფრთხოების სამსახურში.
მას შემდეგ რაც ოკუპანტებმა კიევის ოლქი დატოვეს, ბუჩასა და სხვა ქალაქებში, უკრაინამ აღმოაჩინა ნაწამები და დახოცილი ასეულობით მშვიდობიანი მოქალაქე, ასევე მასობრივი საფლავები და სარდაფები, სადაც ოკუპანტებო მათვე დახოცილ უკრაინელებს მარხავდნენ.
კომენტარები