1 ნოემბრიდან სახელმწიფო საყოველთაო ჯანდაცვის პროგრამის მონაწილე კლინიკებს ახალი სისტემის მიხედვით უხდის ანაზღაურებას. DRG-ის ძალაში შესვლიდან ორი კვირის თავზე უკვე იდენტიფიცირდა ის ხარვეზები, რაც დიაგნოზთან შეჭიდული ჯგუფების მიხედვით დაფინანსებას ახლავს თავს.
კლინიკა „გულის“ დირექტორ ანზორ მელია, bm.ge-თან ამბობს:
„მე, როგორც კლინიკის ხელმძღვანელი DRG -ის მონაცემებით კმაყოფილი ვარ იმიტომ, რომ 520-ე ბრძანებამ გაგვაღატაკა. წარმოიდგინეთ იანვრიდან მაისის თვემდე ჩავატარეთ 54 ოპერაცია და 236 ათასი ვალი დამიტოვა, შავ დღეში ვიყავი და ამიტომ ვარიდებდი თავს ოპერაციების გაკეთებას, თუ სასიცოცხლოდ მნიშვნელოვანი არ იყო. ახლა ისევ ის თანხები გახადეს, შუნტირება 12 500 ლარის ნაცვლად 8 500-სა. შესაბამისად, ყოველგვარი ნერვული დაძაბულობის გარეშე ვმუშაობთ.
მარტო კარდიოქირურგია კი არა, მანკის ოპერაციებიც თვითღირებულებაზე ნაკლებად იყო შეფასებული. სარქველი, რომელიც 3-4-5 ათასი ღირს, არაფერია რჩებოდა და ამიტომ მანკიანებს კულტურულად ვიშორებდით, ახლა კარგად არის განფასება, მაგრამ უკმაყოფილი ვართ იმით, რომ თუ ორ სარქველს ჩააყენებ, მაშინ არაფერი არ გრჩება და 5% მოგება მაინც ხომ უნდა დაგრჩეს?! DRG-ით ერთი სარქველის ანაზღაურებაა გათვალისწინებული. ზოგჯერ 2-3 სარქველი სჭირდება პაციენტს, არ ვიცით რა ვქნათ. იმედია დაიხვეწება.
ცუდი ისიცაა, რომ არ ვიცით ზუსტად რა ჯდება ოპერაცია, რადგან სხვადასხვა საზომია, ასაკის, წონის, სქესის მიხედვით ხდება. ახლა ვაკეთებთ ძვირადღირებულ სტენდს და 20 000 ლარი მჭირდება, რასაც მომწოდებელი არ მაძლევს ფულის გარეშე. საიდან მოვიტანო ის ფული, როცა 2-3 თვის მერე ჩამირიცხავენ? ასეთ შავ დღეში ვარ, მაგრამ იმედია დაიხვეწება…
ზუგდიდში ჩავაყენე სტენდები. არ ვიცოდით ფასი. პაციენტს ვუთხარით, რომ გეტყვით გაწერის დღესთქო. რომ ვუთხარით გაიქცა ავადმყოფი და არ გადამიხადა ფული. არ შეიძლება ასე. წინათ ვიცოდით, რომ სტენდირების დროს ამდენი იყო პაციენტის მხრიდან დასამატებელი, ახლა არ ვიცით. წონა, სქესი, ასაკია გასათვალისწინებელი, დავიღალეთ.
,მოგვცენ საშუალება პაციენტს შემოვატანინოთ თანხა და შემდეგ დავუბრუნოთ უკან… თუ არადა, ასე გაჩერდება კარდიოქირურგია.”
აღსანიშნავია, რომ დაფინანსების ახალი სისტემით კლინიკებს კალკულაციას პაციენტის გაწერის დღეს აძლევენ.
როგორც ცნობილია, DRG ორი თვის განმავლობაში სატესტო რეჟიმში მოქმედებს და სრულყოფილად ის ძალაში 2023 წლის 1 იანვრიდან უნდა შევიდეს.
კომენტარები