“გთხოვთ, წაიკითხოთ, არ დაგეზაროთ” – სანაია

ჟურნალისტი, ვახო სანაია:

“გთხოვთ, წაიკითხოთ. მაინტერესებს, თუ იპოვით რაიმე განსხვავებას. არ დაგეზაროთ.

● 30-იანი წლები. დიდი ტერორი.

მასალა არქივიდან :

კაპიტალისტური ქვეყნები დივერსიული ქმედებებით ცდილობენ საბჭოთა კავშირის სიძლიერის შერყევას. უცხოური ქვეყნების აგენტურამ თითქმის ყველა სფერო და ორგანიზაცია მოიცვა. აგენტურამ არა მხოლოდ ქვედა რგოლებში შეაღწია, არამედ შპიონები და აგენტები არიან საკმაოდ საპასუხისმგებლო თანამდებობებზეც. ქვეყნის მოღალატეები ყველაფერს აკეთებენ იმისთვის, რომ შპიონაჟით, დივერსიით, ტერორიზმით, ფაშისტური ქვეყნების დახმარებით ზიანი მიაყენონ საბჭოთა კავშირს. მათი მიზანია საქართველოს საბჭოთა კავშირისგან მოწყვეტა. საქართველოს მტრებმა იდეოლოგიური ფრონტიც გამოიყენეს და ცდილობენ, გავლენის ქვეშ მოაქციონ ინტელიგენცია”.

● 2023 წელი. ირაკლი კობახიძე :

ყველასთვის ცხადი გახდა, რომ ის ორგანიზაციები, რომლებიც ცდილობდნენ ბაკურიანის გეგმის განხორციელებას, სცენიდან ითხოვდნენ მთავრობის გადადგომას, ცდილობენ ეკლესიის რეპუტაციის შერყევას, აწარმოებენ ლგბტ პროპაგანდას, უპირისპირდებიან ქვეყნის ენერგეტიკულ დამოუკიდებლობას და ა.შ. – სინამდვილეში არა ქართველი ხალხის, არამედ უცხოური გავლენის აგენტები არიან.

გასული კვირის განმავლობაში განვითარებულმა პროცესებმა კიდევ ერთხელ აჩვენა გლობალური ომის პარტიის აგენტების ნამდვილი სახე.

ჯაშუშები არიან ქართულ პოლიტიკაში. ჩვენს გუნდშიც იყვნენ თავის დროზე ასეთი ადამიანები და ასევე იყვნენ ჯაშუშის ჯაშუშები, აგენტის აგენტები.”