სუს-ის ყოფილი შეფის, გრიგოლ ლილუაშვილის ყოფილი მოადგილე, ლევან ხობაძე წინასწარ ორთვიან პატიმრობაში გაუშვეს – ქრთამის აღების ბრალდებით დაკავებული მაღალჩინოსნის აღკვეთის შეფარდებაზე მოსამართლე ნანა შამათავამ იმსჯელა.
სასამართლო პროცესზე დუმილი დაარღვია ბრალდებულმა მაღალჩინოსანმა და მის წინააღმდეგ აღძრულ საქმეს “წარმოდგენა” უწოდა.
დიდი ხანია მიდის ეს წარმოდგენა. მე ვიცოდი. მოწმეებზე ზემოქმედება არ მომიხდებია, ისინიც სწუხან იმაზე რაც მოხდა” – განაცხადა ახობაძემ.
სუს-ის ექს-შეფის, გრიგოლ ლილუაშილის ყოფილი მოადგილე, ლევან ახობაძე სუს-მა გუშინ დილით დააკავა. სუს-ის ყოფილ მაღალჩინოსანს დიდი ოდენობით ქრთამის აღების ფაქტზე ბრალი გუშინ ღამით წარედგინა.
სუს-ი ამბობს, რომ ახობაძემ 250 000 ლარის ოდენობსი ქრთამი მეწარმისგან სუს-ში საკუთარ კაბინეტში მიიღო.
ასევე აღსანიშნავია ერთი დეტალი, რომ პროკურატურის განცხადებაში სახელმწიფო უსაფრთოების სამსახურის განცხადებისგან განსხვავებით სუს-ის ყოფილი შეფის, გრიგოლ ლილუაშვილის გვარი ნახსენები არ არის. სუს-ის განცხადებით, ქრთამის შესახებ ინფორმირებული იყო ლილუაშვილიც.
დაკავებულს ბრალდება საქართველოს სისხლის სამართლის კოდექსის 338-ე მუხლის მე-3 ნაწილის „ე“ ქვეპუნქტით (მოხელის მიერ პირდაპირ ფულის მოთხოვნა და მიღება, რათა მოხელემ ქრთამის მიმცემის სასარგებლოდ განახორციელოს რაიმე ქმედება და გამოიყენოს თავისი სამსახურებრივი ავტორიტეტი ანალოგიური მიზნის მისაღწევად, ჩადენილი განსაკუთრებით დიდი ოდენობით) წარედგინა, რაც სასჯელის სახედ და ზომად 11-დან 15 წლამდე თავისუფლების აღკვეთას ითვალისწინებს.
კომენტარები