გირგვლიანის დედას რომ ეშიმშილა, შვილი გაუცოცხლდებოდა? – ირმა ზავრადაშვილი

როგორ შეიძლება იშიმშილო იმისთვის, რომ დამნაშავე ციხიდან გამოუშვა? გირგვლიანის დედას რომ ეშიმშილა შვილი გაუცოცხლდებოდა?  – ამის შესახებ პარტია “ქართული ოცნების” დეპუტატმა, ირმა ზავრადაშვილმა “ნაციონალური მოძრაობის” მხრიდან გამოცხადებული მასობრივი შიმშილობის შეფასებისას განაცხადა.

“ჩემთვის აბსოლუტურად აუხსნელი და გაუგებარია, რასაც ისინი კახეთის გზატკეცილზე აკეთებენ. თქვენ როგორ წარმოგიდგენიათ ეხლა გირგვლიანის დედას რომ ეშიმშილა შვილი გაუცოცხლდებოდა? ან ნებისმერი ყოფილი პატიმრის მშობელმა, რომ იშიმშილოს სააკაშვილი მათ გამო ციხეში ჩაჯდება?. როგორ შეიძლება იშიმშილო იმისთვის, რომ დამნაშავე ციხიდან გამოუშვა? რა თქმა უნდა ჯერ კიდევ საკითხავია არის თუ არა ეს შიმშილი, ამ საკითხთან დაკავშირებით, რაც კახეთის გზატკეცილზე ხდება აზრი არ გამაჩნია. კომენტარს ვერ გავაკეთებ, ასეთ რამეს საბავშვო ბაღშიც კი არ აკეთებენ თამაშების დროს. ყველას ვუსურვებ ჯანმრთელობას, მათ შორის მათაც, ვინც კახეთის გზატკეცილზეა. გაგებას და შეგუებას ვუსურვებ. ადაპტაციის უნარს ვუსურვებ საახალწლოდ”, – აცხადებს ზავრადაშვილი.

წყარო: ,,მეტრონომი”