“გიორგი ვაშაძეს ენერგია არ აკლია და ნამდვილად შესაძლებელია გახდეს საქართველოს პრემიერ-მინისტრი”

ყოფილი მაღალჩინოსანი, დავით საყვარელიძე, “სტრატეგია აღმაშენებლის” ლიდერზე, გიორგი ვაშაძეზე:

“მე დარწმუნებული ვარ გიორგიში, რომ გადამწყვეტ მომენტში ის დადგება მართალ, სწორ მხარეს. ვერ წარმომიდგენია გიორგი ბიძინა ივანიშვილის ან მათ მიერ განხორციელებული, რომელიმე პროექტის გვერდით. ზოგს საკუთარი ძალების იმედი აქვთ, დარწმუნებულები არიან თავიან თავში, თავიანთ ენერგიაში და ფიქრობენ, რომ ბევრად მეტი საქმის გაკეთება შეუძლიათ ვიდრე რომელიმე სხვას, ეს იწვევს ზოგჯერ იმას, რომ ვერ შედგება ხოლმე მოლაპარაკება ოპოზიციურ ძალებს შორის. ეჭვი არ მეპარება იმაში, რომ გიორგი არ დაიჭერს არასწორ მხარეს. შემიძლია ვთქვა, რომ „სტრატეგია აღმაშენებლის“ გუნდში ძალიან ბევრი ჯანსაღი ადამიანია გაერთიანებული, მე ღრმად არ ვიცნობ და არ ვიცი ვინ რას გააკეთებს მომავალში, მაგრამ ის რომ ბევრი ნორმალური ადამიანია რომლებსაც მართლა უნდათ საქართველოსთვის სიკეთე და საკუთარი თავისთვისაც სიკეთე განვითარების კუთხით, რომ გამოცდილება მიიღონ და დააგროვონ ამაში ეჭვი არავის ეპარება.

რაც შეეხება გიორგი ვაშაძეს, როგორც პრემიერ-მინისტრობის კანდიდატად წარდგენას, რეალურად, რომ ვიმსჯელოთ პრემიერ-მინისტრი ხდება ის ადამიანი ვისაც აქვს ხმათა უმრავლესობა პარლამენტში . თუ გიორგიმ აიღო ხმათა უმრავლესობა პარლამენტში ნებისმიერი გიორგიც და სხვა პოლიტიკოსიც გახდება პრემიერ-მინისტრი, ეს ჩვეულებრივი პოლიტიკური ლოგიკაა.

„ნაციონალურ მოძრაობას“ ჯერ არ დაუყენებია თავის პრემიერობის კანდიდატი და ალბათ დააყენებს და მანდ გაირკვევა ყველაფერი თუ რამდენად რეალურია ეს ამბავი, თუმცა არჩევნებია წინ გიორგის ენერგია არ აკლია და თუ ის ხმების უმრავლესობას მოიპოვებს პარლამენტში, ნამდვილად იქნება შესაძლებელი . საქართველოს ბოლო წლების მანძილზე არ ჰყოლია პრემიერ-მინისტრი, საქართველოს ჰყავდა ბიძინა ივანიშვილი და ეს კაცი ნიშნავდა ტექნიკურად სახეებს ამ პერიოდის მანძილზე, ანუ ნებისმიერი ენერგიული ადამიანი ვინც არ იქნება ბიძინას ხელქვეითი და არ იქნება მავნებელი და იქნება ტვინი , პოტენციალი და რესურსი იქნება საქართველოსთვის სიკეთის მომტანი”