პროფესორი, დიპლომირებული მედიკოსი (MD), ჯანდაცვის მაგისტრატურა (MPH), მედიცინის დოქტორი (PhD), საზოგადოებრივი ჯანდაცვის ექსპერტი, გაეროს გენერალური მდივნის და ვაქცინებისა და იმუნიზაციების გლობალური ალიანსის (GAVI) მრჩეველი გიორგი ფხაკაძე 45 წლის გახდა.
ამბობს, რომ იუბილეს არასდროს აღნიშნავს ფართო წრეში და ცდილობს ეს დღე საკუთარ თავს მიუძღვნას. ტრადიცია არც ამჯერად დაურღვევია.
პანდემიური დაბადების დღე ქუჩაში სეირნობაში გაატარა, უნდა აღინიშნოს, რომ არაერთი ინტერვიუ მოუცია “ალიასთვის”, ქუჩიდან და ქუჩებში ფეხით სეირნობა მისი ლამის ყოველდღიური წესია, როგორ ასწრებს მუშაობას, საკუთარი თავისთვის დროის პოვნას, ამდენი ინტერვიუს ჩაწერას და სოციალურ ქსელში, ყველა კითხვაზე პასუხის გაცემას – ჯერჯერობით, ეს ამოუცნობია. ამჯერადაც, ტრადიციული ფეისბუქ-ჩართვა არ გამოტოვა და ისევ და ისევ მოგვცა რჩევები, რომლებსაც, ისევ ტრადიციულად, 2-3 კვირაში, ჯანდაცვის სფეროს ოფიციალური წარმომადგენლები გაიმეორებენ, ალბათ.
ამჯერადაც ინდური შტამის ვერაგობაზე გვაფრთხილებს და აანონსებს, რომ აგვისტოში, დომინანტი იქნება საქართველოში ინდური შტამი.
ასევე, თავის პატარა საიდუმლოსაც გვიმხელს:
„იარეთ სუფთა ჰაერზე. მე მაგალითად სადაც ბევრი ხალხია არ ვჯდები. საფრანგეთში ყველაფერი ღიაა, მაგრამ არ ვჯდები. როცა ვმოგზაურობ ვცდილობ, რომ მანქანაში ის ადამიანები ვიყოთ, ვინც აცრილია. ადამიანი აცრილი თუ არ არის, სახლში არ ვუშვებ. ეს პატარა საიდუმლო გითხარით. ჩემთან როცა არიან მეგობრები, ცალკე ოთახები აქვთ და ცალკე აბაზანები. კუხნაში არავის ვუშვებ და სადაც დიდი ადგილია იქ ვიკრიბებით. სადაც პატარა ადგილია ჩემს მეგობრებს არავის ვუშვებ. წელიწადნახევარი გავიარე უკვე და საკამდოდდაცულად გავიარე“
როგორც აღმოჩნდა პროფესორს თაყვანისმცემლების საკმაოდ დიდი არმია ჰყოლია. მის ფეისბუქზე ათასობით მისალოცი კომენტარი დაიწერა…
როგორც ლაივ-ჩართვაში ფხაკაძემ აღნიშნა, ყველაზე კარგი საჩუქარი საფრანგეთმა გაუკეთა, პირბადე, რომლის ტარებაც “საშინლად“ არ უყვარს, შეუძლია აღარ ატაროს.
კომენტარები