გიორგი ახობაძის საქმის ყოფილ მოსამართლეს უზენაეს სასამართლოში დანიშვნას უპირებენ

გიორგი ახობაძის საქმის ყოფილი მოსამართლე, მიხეილ ჯინჯოლია იუსტიციის უმაღლესმა საბჭომ უზენაეს სასამართლოში დასამტკიცებლად პარლამენტისთვის წარსადგენად შეარჩია.

ხუთ აგვისტოს გამოცემულ დოკუმენტს ხელს იუსტიციის უმაღლესი საბჭოს მდივანი, ნიკოლოზ მარსაგიშვილი აწერს.

• რამდენიმე კვირის წინ, ნარკოდანაშაულის ბრალდებით დაკავებული ექიმის საქმე მოსამართლე რომეო ტყეშელაშვილს დაეწერა, რომელმაც ახობაძე უდანაშაულოდ ცნო და სხდომათა დარბაზიდან გაათავისუფლა.

ივერი აბაშიძე, ლიანა კაჟაშვილი, ეკატერინე კულულაშვილი და ლაშა თავართქილაძე – ეს კი იმ მოსამართლეების ჩამონათვალია, ვისაც უზენაეს სასამართლოში დანიშვნა უნდოდა, თუმცა შემდეგ ეტაპზე ვერ გადავიდა.

ცნობისთვის,  მიხეილ ჯინჯოლია იყო მიხეილ სააკაშვილის მიერ საზღვრის უკანონოდ კვეთის განმხილველი მოსამართლე – მიუსაჯა 12.5 წლით თავისუფლების აღკვეთა.

ჯინჯოლიამ გაასამართლა უჩა აბაშიძე და მისი ცოლი მარიამ იაშვილი.

მან ასევე განიხილა „ვაკის პარკის საქმეზე“ დაკავებული 9 ბრალდებულის აღკვეთის ღონისძიების შეფარდების საკითხი და წინასწარი პატიმრობა შეუფარდა ცხრავეს.

უზენაესი სასამართლო 28 მოსამართლისგან შედგება, მათგან 26 უვადო მოსამართლეა.

წყარო: ტვ პირველი