გიორგი ახობაძე იუსტიციის სამინისტროს პასუხობს. სინდისის პატიმარი აცხადებს, რომ ციხეში გაგრილების სისტემა არ არსებობს. მისი თქმით, ამის გამო ასობით ადამიანის უფლება ირღვევა და ჯანმრთელობა საფრთხეშია, რადგან საკნებში დამონტაჟებული ე.წ ვენტილატორი ძლიერ ხმაურს ქმნის, ეს კი პატიმრების მენტალურ მმდგომარეობას ამძიმებს.
გარდა ამისა, სატელეფონო ჩანაწერში ახობაძე ამბობს, რომ მოკვლევის საგანი უნდა გახდეს ისიც, თუ ვინ გაფლანგა სახელმწიფო ფული და ვინ შეიძინა უვარგისი ტექნიკა ციხეებისთვის.
აუცილებლად უნდა გამოვეხმაურო იუსტიციის სამინისტროს ტყუილებს. არავითარი ცენტრალური გაგრილების სისტემა ციხეში არ არის. დეფინიციებში დაკარგულ სალიას უცებ ავუხსნი, საკანში, კედელზე დამაგრებულია ღია სივრცისთვის ე.წ. წყლის წვეთები გამფრქვევი ვენტილატორი. ხაზს ვუსვამ, ეს მოწყობილობა არ არის ოთახისთვის შექმნილი. ეს მოწყობილობა მუშაობისას წარმოქმნის იმგვარ ხმაურს, ერთმანეთის საუბრის მოსმენა ხდება შეუძლებელი. ასე რომ, ეს თითქოს გაგრილების სისტემა თვითონ დაიყენოს სალიამ სახლში თუ ასეთად აიდენტიფიციებს. ფონური ხმაურის გავლენა ჯანმრთელობაზე თუ ვინმემ არ იცის, ვეტყვი, რომ ის ხმა, რასაც ეს ვითომ გაგრილების მოწყობილობა გამოსცემს, საზიანოა მენტალური ჯანმრთელობისთვის. ეს რაც შეეხება იუსტიციის სამინისტროს ტყუილებს.
რაც შეეხება მაღაზიას, მოგვყიდეს ერთი ცალი ინდივიდუალური, პატარა ვენტილატორი და მეტი არ გვაქვსო. ესეც ვიღაცაზე იყო გაყიდული და ზედ მისი სახელი ეწერა. ეს ტემპერატურა საშიშია ჯანმრთელობისთვის და პოტენციურად შეიძლება გახდეს პატიმრის გაუწყლოების მიზეზი, რამაც ქორნიკულად დაავადებულ პატიმრებში შეიძლება, შექმნას სიკვდილის რისკი. სალიას ვეტყვი, მეტი პასუხისმგებლობით მოეკიდოს ადამიანს, მის უფლებებს, განსაკუთრებით უკანონოდ დატყვევებულების ყოველდღიურობას და ზოგადად, ნებისმიერ პატიმარს მისცეს ის, რაც ისედაც ეკუთვნის, – ამბობს ახობაძე.
კომენტარები