“გინეკოლოგიაშიც კი მოვათავსებთ, ოღონდ მკურნალობაზე დაგვთანხმდეს” – ნადირაძე სააკაშვილზე

კლინიკა “ვივამედის” წარმომადგენელი, მიხეილ სააკაშვილის სასამართლო პროცესზე, ამბობს:

„გინეკოლოგიაშიც კი მოვათავსებთ, ოღონდ ის მკურნალობაზე დაგვთანხმდეს. შესაბამისად, ჩვენ რეანიმაციაში გადაყვანაზე უარი არ გვითქვამს, თუმცა ძალიან დიდი სპეკულაციები აგორდა ამასთან დაკავშირებით. მუდმივად არის საუბარი რეანიმაციაში გადაყვანაზე. გადამიყვანეთ რეანიმაციაში, გადამიყვანეთ რეანიმაციაში. ნებისმიერი დარტყმა რომ ავიცილოთ, ნებისმიერი ლანძღვა, მზად ვართ ყველაფრისთვის, მორჩილებაში ვართ. რომ იტყვიან, ჩვენც მასთან ერთად ვიხდით სასჯელს. როდესაც ავუხსენით, რომ რეანიმაციაში არის ისეთი წყობა, რომ იქ ვერ შევა ადვოკატი, დედა, მნახველი, უნდა შეხედოს მართლა, ჭეშმარიტად მძიმე პაციენტს, იქ მძიმე სურათია, უცებ გადაიფიქრა. არარეანიმაციული პაციენტისთვის რეანიმაციაში ყოფნა ფსიქოლოგიურად დამანგრეველია. მე მის ფსიქიკას ძალიან ვუფრთხილდები“