“გინებით და ლანძღვით გადმოგვათრიეს, მიწა-მიწა გვათრიეს” – ხმაური რუსთაველზე

საკანონმდებლო ორგანოსთან ხმაური იყო – თათია აფრიამაშვილის და ლიკა ლორთქიფანიძის მხარდასაჭერად გამართული საპროტესტო აქციის მონაწილეებს პარლამენტის მიმდებარე ტერიტორიაზე მდებარე ზებრა გადასასვლელზე პოლიციელები ბანერის გაშლის საშუალებას არ აძლევენ.

როგორც ერთ-ერთი დემონსტრანტი “პირველებთან” ამბობს, სხეულის არეში ფიზიკური დაზიანების კვალი აღენიშნება. მისივე თქმით, შინაგან საქმეთა სამინისტროს წარმომადგენლებმა აქციის მონაწილეები საავტომობილო გზის სავალი ნაწილიდან “გინებით და ლანძღვით გადმოათრიეს”.

დაზარალებულები მორალურად არიან ესენი და ესენი არიან დამახინჯებულები. ესე ექცევიან ქალებს. როგორ შეიძლება 7 ქალის შეგეშინდეს, როცა ხარ პოლიციელი, როცა ხარ მამაკაცი, როგორ შეიძლება თითის ტოლა გოგოების შეგეშინდეს. აძახებდე, რამდენს ბედავენ ესენი და გინებით და ლანძღვით გადმოათრიო. გინებით და ლანძღვით ესე გადმოგვათრიეს და მიწა-მიწა გვათრიეს. დაზარალებულად არ ვგრძნობ თავს იმიტომ, რომ ესენი დაზარალდებიან ძალიან მალე”, – ამბობს აქციის ერთ-ერთი მონაწილე.