“ღარიბაშვილს გახარიას ჯინაზე ფაქტიურად არავითარი შეზღუდვა არ შემოაქვს” – ზურაბ ბატიაშვილი

ანალიტიკოსი, აღმოსავლეთმცოდნე და რონდელის ფონდის მკვლევარი, ზურაბ ბატიაშვილი:

“გავიგეთ, რომ ღარიბაშვილს გახარიას ჯინაზე ფაქტიურად არავითარი შეზღუდვა არ შემოაქვს.

მაგრამ რა ხდება იმ შემთხვევაში, როდესაც დაავადებულთა რაოდენობის სწრაფი ზრდის ფონზე უახლოეს ხანში საავადმყოფოებში აღარ იქნება ადგილები და პარალელურად იზრდება გარდაცვლილთა რაოდენობაც?

ასევე, რას ვუშვებით იმ რუს ტურისტებს, რომლებიც ყალბი ვაქცინაციის საბუთებით შემოდიან ქვეყანაში და ხელი შეუწყეს და მომავალშიც ხელს შეუწყობენ დელტა ვარიანტის გავრცელებას?

აღარაფერს ვამბობ დაგვიანებულ ვაქცინაციაზე.

გუშინ სახელმწიფო გადატრიალება მოხდა ტუნისში იმის გამო, რომ იქაურმა უნიათო მთავრობამ ტუნისის მოსახლეობის მხოლოდ 7%-ის ორჯერადად აცრა მოახერხა, რითაც ბოლომდე ჩამოშალა ეკონომიკის დროულად აღდგენის შესაძლებლობა.

შედარებისთვის, ჩვენთან ორჯერადად დაახლოებით 4%-ია აცრილი და კაცმა არ იცის, როდის შევძლებთ 60-70%-ზე ასვლას და ეკონომიკის რეალურ აღდგენას.”